Chapter 14.2: Pumili ng Iba

"Ah hehehe. Isda naman talaga ang ibibigay ko sa 'yo. 'Di ba magluluto tayo ngayon? Marami kaming isda dahil nagtitinda ang tita ko niyon sa palengke kaya naisipan kong mag-ambag naman sa kakainin natin." Ngumiti ako nang malawak sa kanya para hindi niya mahalata ang kapalpakan ko.

Buti na lang ay nakaisip ako ng palusot. Ba't kasi ito ang nadala ko? Ito 'yung box nung ice cream na ibinili sa akin ni Evander. Hindi ko naman kasi alam na pinaglagyan ni Tita ng isda 'yung container at ipinasok sa ref namin. Ayan tuloy mali 'yung nakuha kong box!

He licked his lips and stared at me for a while, then his lips curled into a smirk. "Okay. I thought you just gave me the wrong container."

Nanlaki ang mga mata ko.

"Isda nga ang ibibigay ko sa 'yo kasi marami kami niyon! Ano ba ang ine-expect mo, ha? Akala mo ice cream, 'no?" Nginisihan ko siya. "Sige, bibigyan kita ng ice cream bukas kung 'yun ang gusto mo."

Nagsimula na siyang mag-ayos ng mga lulutuin. Nalukot ang mukha ko nang makitang p