Chapter 14.1: Pumili ng Iba

Sa nakaraang isang linggo ay nasa bahay lang ako. Sinabi ko kay Tita Melinda ang totoo na na-sprain ako kaya hindi ako makapasok. Di ko na lang idinetalye kung paano ko 'yun nakuha sa trabaho.

Naging maayos na rin naman ang pakiramdam ko sa ikatlong araw. Balak ko nga sanang pumasok na dahil kaya ko naman na pero nang sinabi ko 'yun kay Evander ay hindi siya pumayag. Sa next week na raw ako bumalik para hindi mabinat at pag nagpumilit ako ay ibabalik lang niya ako sa bahay namin.

Kahit na bagot na bagot na ako ay nawawala iyon kahit papaano kapag nagti-text siya sa akin para kumustahin ang kalagayan ko. Iyon nga lang ay hindi mahabang convo. Kapag sinagot ko ang tanong niya ay hindi na siya magrereply. At least tinupad niya ang sinabi niya.

Pumunta ako sa isang café sa may centro mag-isa. Nagki-crave ako ng pizza at milk tea kaya iyon ang inorder ko. Nagtitipid ako pero pagbibigyan ko lang ngayon ang sarili ko.

Habang sumis*psip sa straw ay panay ang tingin ko sa phone ko, umaasa sa te