Where is Alfa?

Lumipas ang buong magdamag na paghahanap ay hindi pa rin nakita ni Stefano ang lumayas na anak. Ginamit na niya ang koneksyon at lahat-lahat ngunit sadyang mahirap hanapin ang ayaw na magpahanap.

Lumayas si Alfa matapos niyang malaman na siya ay ampon. Nasaktan ito pero higit na nasaktan si Stefano. Imagine, pinalaki niya at minahal ang bata na hindi naman pala niya ka-ano ano. Mahirap kay Stefano na tanggapin ang katotohanan pero mas nanaig pa rin sa kaniya ang pagiging ama. Yung tipong kahit nalaman niya ang panloloko ni Cassandra ay nananatiling anak pa rin ang tingin niya kay Alfa. Sa kanila ito lumaki hanggang nagkaisip. Nagagalit si Stefano kay Cassandra ngunit hindi siya nagagalit kay Alfa. Hindi nawala ang pagmamahal niya rito.

Dahil desperado na si Stefano at hindi nalalaman ang gagawin, hindi na siya nakatiis at ipinaalam na sa kaniyang asawa ang nangyari.

Nasa America pa rin si Derie kasama ang anak niyang si Andrei at nagulat talaga ito sa biglang pagtawag ni Stef