Crashed

ALFA'S POINT OF VIEW

Nakatakda ns sana kaming lumipad patungong Amerika kasama ang mga taong nagpalaki at tumayong mga magulang namin. Nasa airport na kami at kasalukuyang nag-iintay na lang ng tawag.

Sa totoo lang, nakaupo ako at malalim na nag-iisip. Yung may nararamdaman ako na parang guilt na hindi ko maintindihan.

Sa Pupuntahan namin, doon nag-aantay sa akin ang buhay na pinapangarap ng lahat. Ang maginhawa kasama ang mga mahal mo sa buhay. Okay na sana ang lahat kaya lang ay may kung anong nag-uudyok sa akin na huwag nang umalis. Hindi ako mapakali. Hindi ko maipaliwanag ang nararamdaman ko.

Hanggang sa kinumusta na ako ni mommy. Napansin niya pala ang pagkabalisa ko. "Ayos ka lang ba? mukhang malalim ang iniisip mo?" tanong niya sa akin. Siya ang nagpalaki sa akin kaya sa lahat ay siya ang mas nakakakilala sa akin. Kung masaya ba ako o kung kailan hindi. Hinimas niya ang likod ko.

"Wala naman po. Excited lang po siguro." pagsisinungaling ko. Ngayon lang kasi ako lala