Kabanata 158

Caline’s POV

Maaga akong gumising para sana kausapin si Akeno. Kaya lang sabi ni mama, hindi raw ito makakapasok ngayong araw dahil may sakit siya.

Nasa sala ako noon, nagbabasa ng isang libro, ngunit wala akong maintindihan sa bawat pahinang binubuksan ko. Paulit-ulit lang na pumapasok sa isip ko ang kalagayan ni Akeno. Sino kaya ang nag-aalaga sa kanya? Mayroon kaya siyang kasama sa bahay na tumutulong sa kaniya? Hindi ko na matagalan ang pag-aalala, kaya nagpasya akong aksyunan na ito.

Mabilis kong kinuha ang resume ni Akeno mula sa mga dokumentong naka-file sa opisina ni papa. Doon ko nahanap ang kaniyang address. Hindi ko alam kung tama ba itong gagawin ko—ang basta na lang magpunta sa bahay ng isang empleyado—pero pakiramdam ko, kailangan ko. Ayoko siyang pabayaan. Close naman na kami at para na kaming magkaibigan.

Ang address ni Akeno ay nasa isang maliit na bayan na malayo sa siyudad, sa gilid ng isang kabundukan. Hindi ko inaasahang ganoon kasimple ang lugar na tinitirhan niy