Kabanata 108

Corvus’ POV

Halos magdadalawang-araw na akong walang tulog. Dalawang araw ko na kasing niriritwalan ang barrier na ginagawa ko dito sa mansiyon. Nung makalaban ko ang malaking demonyo sa parking area ng mall, naisip ko agad na gawin ito kasi alam kong hindi na kami titigilan ng mga demonyo ngayong nakikilala na niya ako at ganoon na rin ang mga mahal ko sa buhay.

Para na rin kapag tuluyan nang bumukas ang pulang pinto ng impyerno, hindi nila mapasok itong manisyon ko. Dito ko kasi dadalhin ang lahat ng mahahalagang tao sa buhay ko, lalo na ang mapapangasawa kong si Alina. Siya ang pinaka-iniingatan ko dahil buntis siya. Sila ng magiging anak ko ang dapat na protektahan ko laban sa kanila. Kasi kung isa sa kanila ang mapahamak, hinding-hindi ko mapapatawad ang sarili ko. Sabi rin kasi ni lola, siya ang pinaka-iingatan ko dahil siya ang maaaring puntiryahin ng mga demonyong makakalaban ko.

Sa mga demonyo, mas masarap daw ang buntis kasi halos dalawang kaluluwa agad ng tao ang makakain n