Kabanata 116

Alina’s POV

Halos alas dos na ng hapon nang magising ako. Nakaramdam na ako ng gutom kaya bumangon na ako. Mabuti na lang at maayos na ang pakiramdam ko. Kapag talaga nahihilo at nanghihina ako, tulog lang talaga ang kapatat nito para maging okay ako.

Lumabas na ako ng kuwarto ko at saka pumunta sa ibaba. Nakita ako ng bodyguard ko na pababa ng hagdan kaya agad niya akong sinalubong para alalayan.

“Okay na ako, hindi mo na ako kailangang alalayan, salamat na lang,” sabi ko sa kaniya pero hindi pa rin siya umalis sa tabi ko hanggang hindi ako nakakababa sa hagdan. Sumilip ako sa pinto pagdating ko sa ibaba. Nakita ko agad na malaki na ang nabago. Ang dami na rin nilang naitanim. Ang hindi lang maganda sa mata ko ay medyo lanta pa ang ibang tinanim nila. Sabi nila, normal lang daw ‘yon sa mga bagong tanim na halaman o bulaklak, kaya hindi na muna ako dapat na magpaka-stress. After two to three days, kapag naging stable na ang mga ‘to, gaganda na ulit ang mga itsura nila.

“Gising na po p