Kabanata 107

Corvus’ POV

“B-bakit, anong mayroon? Natatakot na ako, Corvus!” sabi ni Alina.

“Kailangan mo nang umalis dito ngayong din,” sagot ko naman sa kaniya.

Dali-dali akong gumawa ng portal. Mabuti na lang at may hawak-hawak akong bottle water. Dinukot ko agad ang bulaklak na dala ko na nasa bulsa ng pantalon ko. Handa na kasi ako palagi. Tuwing lalabas ako ng bahay, nagdadala na ako ng bulaklak para sakaling may emergency, makakaalis agad kami sa lugar na may panganib. Lalo na ngayon, kasama ko si Alina na buntis pa. Hindi ako puwedeng lumaban nang nasa tabi ko siya. Tiyak kasi na mapapahamak siya.

Paglitaw ng itim na portal, agad kong binuhat si Alina para ipasok doon. Mabilisan lang ang ginawa ko, pagdating namin sa mansiyon, binaba ko agad siya sa sofa kasama ang mga pinamili namin.

“Corvus, bakit babalik ka pa?” pigil niya sa akin.

“Nanghahamon siya e, pagbibigyan ko lang,” sagot ko sa kaniya pagkatapos ay saka ako bumalik sa parking area ng mall gamit ulit ang portal na binuksan ko. Ma