Kabanata 392

“Maliit na bagay lang naman ‘yon. Hindi naman sa pinapatakbo ko ang kumpanya nang dahil sa aking itsura, bagkus ay dahil sa aking kakayahan.” Pabirong sagot ni Catherine. “Sige na, pag-usapan natin ang kinalalagyan ng mga ongoing nating mga project sa iba’t ibang lugar…”

Matapos ang isang oras na pag-uusap ay natapos ang pagtitipon.

Pagbalik ni Catherine sa kanyang opisina, mayroong isang invitation card na nakalagay sa kanyang lamesa. Ito ay mula kina Melanie at Charlie, at sila’y magkakaroon ng isang engagement ceremony sa Pavilion Intercontinental Hotel bukas.

Ano ang ipinapalabas ni Melanie sa pagpapadala ng imbitasyon?

Habang pinag-iisipan niya ito’y may natanggap siyang tawag mula sa hindi kilalang numero. “Ate, nakita mo na ba ang aking invitation card?”

“Huwag mo nga akong tawaging ganyan. Wala akong nakababatang kapatid na sinubukang agawin ang aking asawa.” Maaari nang maging matapang si Catherine dahil sa kanilang marriage certificate.

“Ang kapal mo talaga, ‘no? Sino n