Chapter 17 - Confused

"Welcome to the 52nd Foundation Anniversary of Abelardo High School..."

Ito ang maagang bungad ng 45-minute speech ni Mrs. Martinez. Ewan ko ba naman parang pare-pareho lang naman ang opening remarks niya taun-taon, iniiba lang and numero kung pang-ilang foundation anniversary na ng school namin.

Habang tuluy-tuloy ang speech ng aming principal ay tuluy-tuloy din naman ang pang-gagaya ng mga estduyante sa mala-Cita Astals niyang pananalita. Siguro namememorize na rin nila ang speech ni Mrs. Martinez.

"Bakit kaya iyon at iyon din naman ang sinasabi ni Mrs. Martinez, na kailangan nating mag-champion at mag-compete sa ibang school para makilala tayo? Tayo ba o para makilala siya at ang school?", tanong ng isang babaeng senior student na kagaya ko habang paikot-ikot ang kaniyang daliri sa sampung hibla ng kaniyang kulot na buhok.

Sinagot siya ni Maya, "Bakit ayaw nyo bang nakikipag-compete sa ibang school? Eh di huwag kayong umeffort." sabay irap niya sa babaeng senior student.

Sabat naman ni Gibert, "hindi naman sa ganun Maya kaya lang, marami na kasing pangakong napako si Mrs. Martinez lalo na pagdating sa cash prizes."

"At siyempre kapag nanalo ka kakausapin ka ni Mrs. Martinez ng, "Uuy i-donate mo nalang ang cash prize mo sa beautification ng ating school." habang ginagaya ni Shara ang pananalita at kilos ng aming principal.

"Eh di huwag kayong pumayag!" Bahagyang pag-sigaw ni Maya kaya medyo siniko ko ang braso niya.

"Psst! hayaan mo na nga!" Pagtitig ko sa kaniya.

"Ikaw kasi Payne, nagbibigay ka sa school mula sa cash prize mo sa chess competition kaya ayun lab na lab ka ni Mrs. Principal kaya kapag inaatake ka ng seizures mo in the middle of your competition ayan na si Ma'am to the rescue." Pangungutya ng isang lalakeng senior high school na hindi ko naman ka-close.

"Oy! huwag mong ganyanin si Payne ha! Porket di ka pa nananalo, lagi kang putut sa ranking!" pagtatanggol ni Maya sa akin.

"Hhahahhahhahah!" nagtawanan ang mga kaklase ko na hindi nag-iisip na nasa court kami at nakapila kaya sumama ang tingin sa amin ni Sir Jack.

"Pst! Ano ba kayo, ok lang 'yun." nahihiya kong sagot sa mga kaklase ko.

Pagkasabi ni Mrs. Martinez ng, "Thank you and Goodluck to all of us!" ay biglang nagpulasan na ang mga estudyante at kaniya-kaniya ng punta sa designated places for their competition.

Niyakap ako ni Maya sa likod at ipinatong ang ulo niya sa balikat ko,  "Good Luck best friend."

"Laki naman ng ribbon mo Maya sakop na buong mukha ko. hahahhah!" pagharap ko sa kaniya habang hawak ang braso ni Maya.

"Grabe kalahati lang naman ng mukha ko Payne!" habang inaayos niya ang ga-higanteng ribbon niyang parang kay Jojo Siwa.

"Goodluck Maya sa volleyball mo." ngiti kong sabi sa kaniya.

"Ikaw din, last na ito, pero manalo matalo eh... may prize pa rin tayo! hahahhaha!" gigil niyang tawa sa akin.

"Sira!" habang papalayo na kami sa isat-isa at kumakaway kami ng may halong excitement.

Nabangga ang likod ko habang paatras akong kumakaway kay Maya at si Maya naman ay tumalikod na sa akin at tumakbo na agad sa direksyon ng Gym.

"Ooops! Watch your steps." Boses it ni Neal, lumaki ang mata ko sa tuwa at tumaas ang balikat ko.

"Ikaw pala 'yan Neal." Pagharap ko sa kaniya habang hawak ko sa unahan ng dibdib ko ang aking backpack.

"Pupunta ka na ba sa chess room?" Nakangiti niyang tanong sa akin habang hawak niya sa tigkabilang kamay niya ang ibat-ibang kulay ng flaglets.

"Uhm.. oo, ikaw? Dito kayo sa court hindi ba?" nakatitig kong tanong sa kaniya.

"Yy...yes!" habang iwinawagayway ni Neal ang mga dala niyang flaglets

"Neeeeeal!!!!" Malakas na tawag ni Sir Jack sa kaniya sabay sensyas ng hinlalaki ni Neal na kailangan na niyang umalis.

"Sige Neal, goodluck ha? Aja!" itinaas ko ang aking kamao habang papalayo si Neal at kumakaway sa akin.

-------------

Naghiwalay ang landas nina Payne at Neal na baon nila ang pag-asang mananalo sila sa competition ngayong taong ito. Katulad ng ibang mga estudyante sa Abelardo High School buo ang loob ng bawat isa na mapapanalunan nila ang cash prize.

Naglalakad si Payne papuntang Room 3B dahil duon ang designated room para sa chess competition, at habang papalapit na siya ay nararamdaman niyang si Lea ang pumapalit sa pagkatao niya.

"Lea huwag ngayon, lalaban ako sa chess baka matalo ako," nanginginig ang mga kamay ni Payne habang  pakikipagbuno siya sa kaniyang isipan.

"Payne, magiging masaya ito lalaruin ko lang ang mga kalaban mo, hahahha!" Pangangatwiran ni Lea sa isipan ni Payne.

"Good morning po", tumango si Lea sa 1st year freshman na watcher nang makita niya ito sa pintuan ng Room 3B. Ngumiti lang sa kaniya ang watcher.

Mayroong limang magkakahiwaly na lamesa ang room, at sa bawat lamesa ay may tigda-dalawang upuan sa tigkabila nito. Nakalatag rin sa lamesa ang chess mat at naka-ayos na rin ang mga chess pieces at sa tabi nito ay ang chess timer.

Itinuro ng watcher kung saan ang puwesto ni Lea at agad naman itong pumunta sa  tapat ng kaniyang makakalaban, isang lalakeng senior student mula sa kabilang section.

"Hello.” Bahagyang pag-angat ni Lea ng kaniyang kaliwang palad at patagong pag-ngiti nito sa lalake. 

Nagsimula ng tumayo ang teacher sa unahan ng mga chess players at binasa ang guidelines at mechanics ng laro. Pagkatapos nitong sabihin ang "Let the games begin!" ay agad namang pumito ang freshman watcher signal na magsisimula na officially ang chess competition.

Sa pag-upo ni Lea ay agad na pumalit si Jojo sa kaniya. Biglang nagliwanag ang mukha ni Payne dahil lumakas ang tyansa niyang mananalo siya sa laban na ito. 

Sa puting kulay nakatapat si Jojo habang ang kalaban naman niya ay sa itim. Inarangkada ni Jojo ang chess pieces niya, sunud-sunod niyang ini-usad ang mga pawn upang magbigay daan sa kaniyang bishop at rook.

Ang kalaban naman niya ay isang horse ang pinakawalan at ang mga pawn sa unahan ng kaniyang bishop at queen.

Mabilis ang pag-arangkada ng kanilang chess pieces ganun rin kabilis ang pagpindot nila sa kanilang chess timer.

Sunud-sunod ang pagkain ni Jojo ng mga pawns ng kalaban. Ganun din ang kalaban niyang gigil na gigil at gutom na gutom na kinain niya ang ibang official chess pieces ni Jojo.

"Check!" ito ang nasa isip ni Jojo at ilang moves pa ay siguradong checkmate na ang kalaban.

Agad nilihis ng kalaban ang kaniyang king upang makaiwas sa pag-atake ni Jojo. Unti-unting inuubos nito ang official ng kalabang hanggang sa tig-iisang horse, bishop queen at tatlong pawns na lamang ang natira sa kaniya.

"Check!" ito ang banat ng kalaban ni Jojo at ganti niya, sabay hawak nito sa kaniyang baba dahil nakakalamang na siya.

Inabante ni Jojo ang kaniyang queen at nsa likod nito ay rook upang maging bantay ng naka-ambang na queen ng kalaban at...."Check!" sa bahaging ito parang si Jojo na ang mananalo.

Pagkatapos harangan  ng kalaban ang kaniyang king ay biglang…

"Aaaahhh!!!" Napahawak si Jojo sa kaniyang ulo at si Payne ang agad na pumalit sa kaniya ngunit pinilit nitong pindutin ang timer kahit hindi pa niya naiigalaw ang anuman sa kaniyang chess pieces.

"Ooops! Wala ka pang tira Payne." Pagpigil ng kalaban nya sa nakapatong na kamay ni Payne sa timer.

Tinatapik-tapik ni Payne paulit-ulit ang kaniyang tig-kabilang sentido dahil hindi niya makontrol ang mga boses na bumubulong sa kaniyang isip.

"Takbo na Payne, magpatalo ka na!" Lumalakas at humihina ang mga nagsasalita sa isip ni Payne at naging sanhi ito para hindi na masundan ang next move niya sa chess.

Nanginginig sa takot at kaba ang kalaban ni Payne sa chess at napahawak siya sa kanang braso ni Payne," Payne, are you okay?"

Mabilis na tinabig ni Payne ang kamay nito at lalo pang lumakas ang pagsigaw ni Payne habang tinatakpan niya ang kaniyang tainga at nakapikit ang kaniyang mga mata, "Aaaaahhhh! Layuan niyo ako!!!" 

Dumating si Miss Lexy na noong panahong iyon ay napadaan sa room nila at napansing nagkakagulo ang mga estudyante sa loob ng room, "Tumabi nga kayo! Anong nangyayari dito?!", paghawi ni Miss Lexy sa mga estudyanteng nakapalibot kay Payne habang ang isang teacher naman na bantay sa room ay nanginginig sa pag-aalalang pinapaypayan ang mukha ni Payne. Makailang pagpaypay niya sa mukha ni Payne ay nagdesisyon itong lumabas ng classroom dahil pati siya ang nagkakaroon ng panic attack sa nagyayari. 

"Matatapos na yata ang game Miss Lexy, biglang nag-seizure si Payne." pagpapaliwanag ng isang junior student na naki-osyoso lamang sa nangyari.

" So anong ginagawa niyo? Why don´t you bring her sa clinic? Bilis na!" nanggagalaiting sigaw mi Miss Lexy.

"Eh, Miss ayaw pong magpahawak ni Payne!" Sigaw ng isang Sophomore student na nasa likod ng mga estudyanteng nakiki-osyoso sa nangyayari kay Payne.

Walang nagawa si Miss Lexy kundi umalis para tawagin si Mrs. Martinez, ngunit biglang tumunog ang cellphone nito at may kinausap sa telepono. 

Ang isang babaeng junior student naman ay patakbong pumunta sa gym upang hanapin si Maya. Hinahabol nito ang kaniyang hininga at pawis na pawis na lumapit kay maya na kasalukuyang nasa gitna ng gym at naglalaro ng volleyball.

Papaluin na sana ni Maya ang bola ng biglang, "Maaaayaaaa!!!!" Sigaw ng babaeng junior student na nsa entrance ng gym. Napatingin ang lahat sa babaeng junior student.

Nagbulungan ang lahat at dahil pagod na pagod ang junior student sa pagtakbo ay hindi na nagawa nitong lumapit kay Maya. Sumigaw na lamang ito habang ang dalawa niyang palad ay nasa gilid ng kaniyang bibig, "Si Payne inatake, nagwawala at nagsisisigaw sa Room 3B." 

Lumaki ang mga mata ni Maya at agad na ibinagsak ang bola sa sahig at agad na iniwan ang laro at biglang tumakbo palabas ng gym.

Napahawak sa ulo sa pag-kainis at pagkagalit ang ibang team mates ni Maya. Ang coach naman nila ay napahawak sa kaniyan baywang at umiiling, nagsenyas rin ito ng timeout at sub dahil alam niyang malabo ng bumalik si Maya sa paglalaro.

"Anong nangyari?!" "Grabe naman!"  "Ano ba naman ýan sira na ang laro oh!" - ito ang mga bulung-bulungan ng mga estudyante at mga manlalaro sa loob ng gym.

Noong mga sandaling iyon ay naka-upo siNeal sa bench ng court at nagpapahinga dahil katatapos lang niyang maglaro at naghihintay siyang tapikin ng team mate niya upang siya naman ang sumalang sa court.

Napansin niyang maraming nagtatakbuhang mga estudyante papunta sa direksyon ng Room 3B. Hindi naman niya ito pinansin ngunit nakita niyang mabilis na tumatakbo si Maya kaya hinarang niya ang isang babaeng freshman student para alamin kung anong nangyayari.

"Sandali… anong meron? Bakit parang nagkakagulo?" pagharang ni Neal sa isang estudyante, "Si Payne daw hindi natapos ang laro nagsisisigaw.¨, sagot nito sa kanya. 

" Neal your turn!" Sigaw ng isa niyang ka-team mate.

Walang nagawa si Neal, gustuhin man niyang puntahan si Payne pero mahalaga itong game na ito sa kaniya, transferee lang siya pero kinakitaan na siya ng teammates niya ng pagiging MVP kaya umaasa sila kay Neal para makalaban sila sa Intramurals.

"Hindi ko na ba tatapusin ang laro para puntahan si Payne?" pag-aalinlangan niya.