Chapter 2: Deal

Carmela's Point of View.

Makalipas ang ilang taon ay napag desisyonan na naming umuwi dito sa Pilipinas ni Cody. Kasalukuyan na kaming nasa Apartment na uupahan naming mag Ina. Hindi ito kalakihan, sakto lang ito para sa aming dalawa at dahil na rin siguro kaunti lang ang gamit namin.

Pinapanood ko si Cody habang nag lalaro. Hindi madali para sa akin na bumalik dito sa Pilipinas dahil natatakot akong malaman ito ng aking Daddy o kaya'y may ibang maka alam at maapektuhan nito ang pagiging politician nya. Ang huling naging balita ko lang sa pamilya namin ay hindi nanalong Mayor ang aking Ama dahil hindi raw hamak na mas malakas at madaming connections sa nakatataas ang nakalaban nya noong election. Ngayon ay nag fo focus nalang sila sa kanilang business na pabagsak na.

Nawala ako sa pag iisip at nag tatakang tumingin sa Isang number na nag flash sa aking cellphone. Ang number na ito ay unsave kaya hindi ko alam kung sino ang tumatawag.

Sinagot ko ito. "Hello?" Alanganin kong bungad sa cellphone ko.

"How long has it been, Carmela?" Halos mabitawan ko ang pagkakakahawak sa cellphone ng marinig ko ang boses ni Pearlyn sa kabilang linya.

Paano nya nakuha ang number ko? Syaka ano naman ang pakay nya ngayon at napa tawag sya? Alam nya kayang naka uwi ako ng Pilipinas? Baka may masama syang gawin sa aming mag Ina. Should we go back to New York?

Sa dami ng mga pumapasok sa aking utak ay parang nabingi na ako sa reyalidad na kanina pa sya dakdak nang dakdak sa kabilang linya.

"Hello are you still there?" Naiinip na tono na boses ni Pearlyn. Kahit hindi ko sya kita ay alam kong salubong na ang kilay nito dahil kanina pa ako hindi nakikinig.

"Yeah..." Kabadong sagot ko.

"Alam kong nahihirapan na kayo financially ng anak mo..." Nabasag ata ang aking pandinig sa sinabi nya. Alam nyang may anak ako? Papaano? Simula nang makapunta ako ng New York ay umalis ako sa Apartment na binigay sa akin ni Daddy at tinanggal ko rin ang ibang connection ko. "Don't worry, hindi ko sasabihin kay Dad na nag bunga ang kalandian na ginawa mo nong gabing 'yon at baka tuluyan kana nyang tanggalan nang hininga. I know that your child is ill and you need tons of money para sa kanyang pag papagaling." Natahimik ako.

Isa ito sa mga rason kung bakit kami umuwi ng Pilipinas. Habang tumatagal kami sa New York ay mas tumataas ang aming gastusin. Hindi ko kayang tustusan lahat ng pangangailangan naming dalawa ni Cody, lot na't kailangan nya nang pumasok ng school at nag u-undergo pa sya sa chemotherapy kada buwan. As a single mother na kaunti lang ang kita hindi nya na kaya pag kasyahin ang lahat kaya minabuti nalang naming umuwi.

"Let's make a deal kapalit ng pera."

Ngayon palang ay gusto ko nang tanggihan kahit hindi nya pa sinasabi ang deal na gusto nyang gawin naming dalawa dahil unang una hindi ko alam kung maganda ba ang gagawin namin at pangalawa ay ayaw ko ng magkaroon ng kahit ano pang koneksyon sa kanila para sa aking anak.

"Bumabagsak na kasi ang kompanya at gusto ni Dad na makipag blind date ako sa rival company natin. Ang pamilya ng mga Mostrales. Alam mo naman gaano makapanyarihan ang pamilyang 'yon when it comes to business world. Ang kaso lang e, alam mo namang puro matatandang lalaki ang meron sa pamilyang 'yon. Dad wants me to marry with one of those ugly elder guys. Now ang gagawin mo lang naman during blind date ay i-offend mo sila. Make something na hindi ka aya-aya para ma turn off sya sayo. Gawin mo ang lahat ng kaya mo dahil ayokong maitali sa ganoong uri ng lalaki. Syaka isa pa I'm busy here in Hawaii doing my photoshoots. Once na sinabi mo kay Dad na tumawag ako sa'yo at sinabi mo mga sinasabi ko. Lilintikan ka sa'kin, kayong dalawang anak mo." Maayos pa ang boses ni Pearlyn kanina ngunit naging madiin ang tono nito at nag babanta pa sa huling sinabi nya.

Natahimik ako para pag isipan lahat ng sinabi nya. Hindi naman ako pwedeng tumaya sa sugal na walang maibabalik sa akin. Hindi rin naman pwedeng sumabak sa gyera na walang balang tatama sa akin kahit na may bala ako.

"Simple lang naman ang gagawin mo eh. Tiyak na madadalian kalang, ayoko kasing makita ako ng mga tao na may kasamang matandang lalaki na uugod ugod na dahil lang sa lintik na blind date na yan para maisalba ang kompanya". Alam ko na kaagad ang kanyang sinasabi. Hindi rin maganda sa kanyang reputasyon bilang isang Modelo na ngayon ay sumisikat na. Ano na nga lang ang iisipin ng ibang tao kapag nakita syang may ka harap na matanda at iisipin na baka sumikat sya dahil sa pera at impluwensya o kaya naman nya na kakayang bumili ng mga mamahalin ay dahil may sugar daddy sya.

"Hindi ko kaya, Pearlyn..." Wika ko. Hindi ko kayang mag panggap bilang sya o dahil ayoko lang magkaroon ng connection sa kanila.

"Pag isipan mong mabuti Carmela. Hindi kita pinipilit, ikaw lang ang unang pumasok sa aking isipan dahil ikaw lang ang may kakilala sa akin na pu pwedeng mag panggap. Panandalian lang naman." Tumingin ako kay Cody na balot na balot pa rin sa suot na para bang may snow ngayon sa Pilipinas. Namuo ang aking luha ng mag tama ang aming tingin kasabay ng pag silip nang matamis na ngiti sa kanyang namumutlang mga labi.

Pera.... para sa pera. Pera lang ang mag sasalba ngayon sa anak ko. Dadalawa lang kami ngayon, sya lang ang nag iisa kong pamilya at hindi ko kakayanin kung may nangyari sa anak ko. Walang libre ngayon sa mundo. Alam kong kapag nag trabaho ako hindi pa rin yon magiging sapat para sa gastusin sa hospital.

"Ano na Carmela, time is running. May appointment pa ako mamaya, wala akong oras para makipag usap sayo ng matagal-"

"Magkano ang ibibigay mo sa akin?" Hindi na ako nag paligoy ligoy. Natawa sya sa kabilang linya dahil sa pagka desperada ng aking boses.

"Hmmm... Mag papanggap kalang naman bilang ako ng Isang gabi. 1 million will be enough if you did a great job para mawalan sya ng interest sayo. Ipakita mo sa kanya ang pagiging low class mo at taong squatter." Ilang taon na ang lumipas pero wala pa 'ring pinag bago si Pearlyn. Ganito pa rin sya mag salita at ganito nya pa rin ako i-trato na sobrang baba ng tingin nya sa akin.

Lumunok nalang ako na ani mo' ay lumulunok ako ng mga bubog.

"Deal." Sagot ko na wala nang pag aalinlangan. Kailangan kong gawin ito para maipagamot ko ang aking anak dahil sya ang mas importante sa akin ngayon.

"Well then, ngayong gabi ang blind date. Mag ayos ka na para bang isa kang gold digger. Isang Axcel Mostrales ang makakaharap mo, gawin mo ng maayos huh, make sure na ayaw kana nyang makita maski anino mo."

Huli nyang sinabi bago patayin ang tawag. Humugot pa ako ng malalim na hininga para sa lakas ng loob.

"Gagawin ang lahat para sa Anak." Pag kukumbinsi ko sa sarili.