Chapter 5
Napasigaw si Kristal ng puting kisame na naman ang kaniyang nakita. Na-t-trauma na siya na sa tuwing ididilat niya ang kaniyang mga mata ay ito na agad ang bungad sa kaniya. Labis na pagtataka ang naramdaman ni Kristal at iniisip kung panaginip lang ba lahat ng mga nangyari sa kaniya sa nagdaang dalawang araw. ‘Yung pagsundo sa kaniya ni Maurice, ang pagkikita nila ng traydor niyang kaibigan at ex, at ang pagsulpot ni Lorenzo sa labas ng pinto ng kaniyang dorm.
“Iha, okay ka lang ba? Binangungot ka ba? Napansin ko kasing grabe ‘yung hawak mo sa kumot mo kanina. Tignan mo, lukot-lukot na nga,” sabi ng matanda na katabi ni Kristal sa kabilang kama. Nasa isang ward siya ng hospital. Akala pa niya nu’ng una kung nababaliw na siya kasi mag-isa lang siya sa kwarto.
“Boss ko po,” sagot naman ni Kristal rito.
“Nakakatakot naman ang boss mo kung binanungot ka.” Dagdag pa ng matanda.
Hindi na rin nakasagot si Kristal kasi bigla nalang bumukas ang pinto ng kuwarto. Pumasok roon si Lorenzo. Hindi pinahalata ni Kristal na tinitignan niya si Lorenzo at umaktong hindi niya ito napansin. Sinubukan niya nalang tumayo para pumunta sa banyo dahil naiihi na siya. Pero reyna ata siya ng kamalasan dahil muntikan na naman siyanng madulas sa pagsuot palang ng kaniyang tsinelas.
Buti nalang naka-focus si Lorenzo sa kaniyang lola kaya hindi niya napansin ang nangyari kay Kristal.
“Grandma, how are you feeling?” Tanong ni Lorenzo habang nilapag sa maliit na mesa ang dala niyang pagkain para sa lola niya.
Napatingin si Kristal sa bandang gawi nila Lorenzo at natigilan sa kaniyang nakita. May kakayahan din palang maging soft ang kaniyang boss dahil nakayakap na ito sa kaniyang lola at parang batang nakayakap sa beywang nito.
Kung nasa opisina kasi si Lorenzo ay akala mo kung sinong bato ang kausap mo. Walang emosyon ang mukha o hindi naman kaya ay seryoso lamang habang naglalakad.
Sumunod ang tingin ni Kristal nu’ng lagyan ni Lorenzo ng arrozcaldo ‘yung bowl. Hinipan niya rin ito bago ialok sa matanda.
“Ayoko na, kakakain ko lang ng apple, busog na ako,” tanggi naman ng matanda.
Dala na rin siguro ng gutom ay nakatunganga lang si Kristal sa nasaksihan. Gusto niya rin ng arrozcaldo.
“Kumain ka na ba, miss? May dalang arrozcaldo ‘yung apo ko. Sakto-sakto kasi mainit pa siya, maganda para mainitan ang tiyan mo.” Alok ng matanda ng makitang nakatingin sa kanila si Kristal.
“Ay hindi na po, lola, busog pa po ako,” tanggi ni Kristal rito. Nahihiyang tumalikod kasi baka narinig ng matanda ang kaniyang iniisip kanina. Gustuhin mang tanggapin ni Kristal ang alok ng matanda pero nahihiya ito kay Lorenzo, hindi lang dahil may nangyari sa kanila kung pati ay boss niya rin ito.
“Busog? Eh kagigising mo nga lang. Hala, Enzo, bigyan mo nang makakain ‘yung babae. Ang tagal niya na ring tulog at walang pamilyang bumibisita sa kaniya. Nanaginip din siya nang masama, bangungot na ata eh. Tinanong ko kung sino ang napaginipan niya. Sabi niya ‘yung boss niya raw, ang sama siguro ng ugali ng boss niya,” patuloy-tuloy na sabi ng matanda. Hindi na niya makasingit sa sinabi ng matanda para wala na itong masabi pang iba pero dire-diretso lang ito.
Tumingin si Lorenzo kay Kristal at tinanong, “Takot ka sa boss mo? Why? Did you do something?”
Hindi makasagot si Kristal sa tanong ni Lorenzo. Hindi rin naman niya ma-e-explain nang maayos eh. Napakibit-balikat nalang siya habang nag-iisip ng excuse.
Nang maalalang mag-c-cr pala siya sana ay dumiretso na siya sa banyo.
“Cr lang ako, usap lang po kayo.”
Pagkapasok na pagkapasok palang ni Kristal sa banyo ay napadaing sa sakit si Lorenzo nang hampasin siya sa likod ng kaniyang lola.
“Anong ginawa mo at takot sa’yo ang babaeng ‘yon, aber?”
“Wala naman akong ginagawang masama ah. Am I that scary?” Tanong ni Lorenzo sa matanda. Baka kasi mukha na niya ang problema at hindi ‘yung mga empleyado niyang takot na takot sa kaniya kapag sa trabaho.
“Parang hindi naman. At gusto ko siya, mukha siyang mabait at hindi arogante,” sagot naman ng kaniyang lola.
“Granny, she has a boyfriend, don’t formulate any ideas in your mind. Let’s respect her relationship.” Mapait na sambit ni Lorenzo.
“Oh, paano mo alam na may boyfriend?”
“Kasi…empleyado ko siya.” Sagot ni Lorenzo sabay iwas ng tingin. Napatango-tango nalang ang matanda pero bakas pa rin dito ang ngiti sa kaniyang labi.
Paglabas ni Kristal sa banyo ay ‘yung boss niya nalang ang nandito. Sa kaniya rin ang tingin ni Lorenzo kung kaya ay na-c-conscious siyang gumalaw. Naglakad si Kristal pabalik sa kama niya at ilalagay na sana sa hook ‘yung IV fluid bottle pero hindi niya ito maabot. Ilang beses niya ring sinubukan pero hindi talaga kaya ng height niya. Napahinto na lamang siya sa kaniyang ginagawa nang narinig niya ang boses ni Lorenzo.
“Akin na.”
Pasimpleng inamoy ni Kristal si Lorenzo nang tuluyan na itong nakalapit sa kaniya. Kung mabango na si Lorenzo sa malayo ay mas mabango pa siya sa malapitan. Ilang segundo pa ay naikabit na nito ang IV fluid bottle at umatras.
“Thank you, Mr. Yu,” pasasalamat ni Kristal at pagkatapos ay umupo na sa gilid ng kaniyang kama.
“This is for you,” sambit ni Lorenzo habang hawak-hawak ang tupperware na may laman na arrozcaldo kanina.
Hindi na napigilang mamula ni Kristal sa ginawa ng kaniyang boss. Nagbaba siya ng tingin para hindi magkasalubong ang mga mata nila ni Lorenzo at baka mahalata siyang kinikilig.
“Pinabibigay ng lola ko.” Pinipigilan ni Lorenzo na kumawala ang ngiti sa kaniyang labi. Nakikita na kasi niyang namumula si Kristal.
“Sige, thank you boss. Magpapasalamat nalang ako mamaya kay lola.”
“I have something to ask you, will that be okay?”
“Yes, boss,” sagot naman ni Kristal.
“Do you recognize this?”
Tumingala si Kristal para tignan ang sinasabi ni Lorenzo. ‘Yung bracelet niya na akala niyang nawala nu’ng gabing may nangyari sa kanila ng kaniyang boss.
“No,” sagot ni Kristal sa mahinang boses.
“Sigurado ka ba?” Paniniguradong tanong ni Lorenzo sa babae.
Kitang-kita ni Kristal sa mukha ng lalaki ang disappointment. Pero isinawalang-bahala niya lamang ito dahil mas nanaig sa kaniya ang takot at hiya na mahuli siya ng boss niya.
“Opo…ngayon ko lamang nakita ‘yan.” Sinabayan pa ni Kristal ng pagtango para magmukhang convincing siya sa harap ng kaniyang boss.
“Alright.”
Hindi na rin nagsalita pa si Lorenzo pagkatapos nu’n at lumabas na ng ward.
Hindi makapaniwala si Kristal na naiwan niya lang ‘yon basta-basta. Bigay ‘yon ng kaniyang ate nu’ng freshman palang siya. For good luck daw kasi pina-blessing ito ni Maurice sa simbahan at siya rin mismo ang may gawa rito. Walang nakakaalam na may ganitong bracelet si Kristal kasi palagi siyang naka-long sleeves. Kaya hindi siya nag-aalala na may magsusuplong sa kaniya pero gusto niyang kunin ang bracelet kay Lorenzo dahil importante ‘yon sa kaniya.
Sa buong maghapon ay puno ang inbox ni Kristal ng messages ni Frankie. Nagtatanong kung okay lang siya o hindi. Nag-reply nalang din si Kristal dito kasi binantayan siya nito sa hospital nu’ng dinala siya rito. Pero isa pa sa ipinagtataka ni Kristal kung bakit tinatanong ni Frankie kung dumaan ba ang boss nila dito.
Nag-reply siya rito na “oo” at bigla na lamang tumawag si Frankie sa kaniya. Naguguluhan man ay sinagot pa rin ni Kristal ang tawag.
Chapter 1“Hmm…” Paimpit na umungol si Kristal nang may bigla na lamang siyang naramdaman na mainit na bagay na nakalapat sa kaniyang katawan. Naglalakbay pataas at pababa na tila ba’y may sinusundan itong ritmo ng sayaw. At sa hindi maipaliwanag na kakaibang sensasyong nararamdaman niya ay tila may sariling utak ang kaniyang katawan at sumabay na lamang sa kung saan agos man siya dalhin nito.Hindi na nabilang ni Kristal kung ilang beses o ilang ulit pa ito nangyari basta ang alam niya lamang na bago ipikit ang mga mata ay may isang brasong humapit sa kaniya para yapusin siya. Isang yakap na puno ng seguridad, isang yakap na nagpapakalma ng buong pagkatao niya. Sa isip-isip niya ay walang sinabi ‘yung mga panahon na natutulog siyang mag-isa kung kaya ay napahiling siya na sana hindi muna dumating ang umaga dahil ayaw niyang matapos ito. Na sana huminto ang oras…Nagising si Kristal dahil sa sinag ng araw, dahilan para ilagay niya ang kaniyang kaliwang braso sa mukha para gawing pant
Chapter 2“Kaninong bracelet ‘to?” Pangatlong tanong ni Lorenzo.“Mukhang ordinary bracelet lang siya eh, baka nabibili lang sa tabi-tabi.” Sabi naman ng isang empleyado.“Frankie, alam mo ba kung sinong may-ari nito?” Napaangat ng tingin si Frankie para tignan ang bracelet. Umiling ito at umiwas agad ng tingin, “Ah? Hindi ko alam.”“Okay, mag-r-roll call na tayo.” Nag-start na mag-roll call si Richard. At natawag na ang lahat, si Kristal nalang ang wala. Inulit naman ni Richard ang pangalan ni Kristal kung kaya ay sumagot na si Frankie.“Nasa campsite si Kristal, may sakit po siya sir.”“May sakit? Anong nangyari?” Tanong ni Richard habang naglalakbay ang mga mata papunta kay Lorenzo na ngayon ay nakaupo sa kaniyang itim na kotse. Nasa kamay pa rin si Lorenzo ang bracelet at tila inuusisa ito nang mabuti.“Okay, tara na,” dagdag ni Richard. Naglakad si Richard hawak-hawak ang ang kaniyang planner papunta kay Lorenzo. Huminto siya sa tapat nito at tinanong na, “Are you going with us
Chapter 3Bumaba man ang lagnat ni Kristal ay hindi pa rin siya makakauwi. Sabi ng doktor ay nagkaroon daw siya ng bacterial infection na nag-c-cause ng inflammation sa kaniyang katawan. Kailangan pa siyang obserbahan kaya mananatili pa muna siya ng dalawa pang araw sa hospital.Gabi na nang dumating ang ate ni Kristal, si Maurice. Makikita mo rito ng labis na pag-aalala para sa kaniyang kapatid. Minsanan lang kasi magkasakit si Kristal kaya ganoon na lamang ang pag-aalala ni Maurice rito.“Kumusta ka na?” Bungad na tanong ni Mau kay Kristal.“Okay lang ako ate, don’t worry about me. Malakas ata ‘to,” sabi ni Kristal habang tumatawa para maibsan man lang ang pag-aalala sa mukha ng kaniyang kapatid.“Anong nangyari at bakit nangyari ‘to? Hindi ka naman sakitin ah.” Grabe nalang mag-alala si Maurice sa kapatid dahil ito nalang ang natitira nitong kamag-anak dahil ulila na sila sa ama’t-ina.“Nahanginan lang siguro kaya nagkasakit. Pero mas maayos na pakiramdam ko ngayon kaya smile ka n
Chapter 4Pumasok si Kristal ng elevator na hindi pinapansin and dalawang tao sa harapan niya dahil sariwa pa rin sa kaniya kung paano nila siya saktan at linlangin.Kung dati ay hindi siya naniniwalang may hiwalayang nagaganap kasi nakiapid ang isa sa iba, subalit nu’ng nangyari ‘yon sa kaniya ay doon niya lang napagtanto na oo nga, nangyayari ito sa totoong buhay. Nangyari ‘yon nu’ng pagbukas niya ng pinto ng university dormitory ay ang hubad na katawan nila ni Erika, ang matalik niyang kaibigan, at ng ex boyfriend niya ang kaniyang ang nakita. Hindi siya makapaniwala at tila para siyang isang kandila na nauupos sa tabi nang masaksihan ‘yon.“Kris? Hi,” bati ni Erika kay Kristal.Tinaasan lamang ni Kristal ito ng kilay. ‘Wala ba siyang hiya at may gana pang pansinin ako pagkatapos nila akong traydurin?’ Inis na sabi ni Kristal sa sarili.“May school event ba? Vacation?” Patuloy na sabi ni Erika. Alam niya rin namang hindi siya papansinin ni Kristal, nagbabasakali lamang siya.Wala