9

Chapter 9

Natigilan saglit si Kristal nang makita si Erika, pero hindi na niya ito pinagtuonan pa ng pansin ulit. Pumanhik na siya sa taas at binuksan ang pinto ng kaniyang kwarto. Hindi pa siya nakakapasok nang marinig niyang nagsalita si Erika.

"Kris?"

Hindi ito pinansin ni Kristal at dumiretso na papasok. Kung nagtaka siya kung bakit nandito si Erika ay mas lalo pa siyang nagtaka nang makita na maraming gamit sa kwarto niya. Dalawang maleta nakatihayang lang sa sahig.

Hindi makapaniwalang tinignan ni Kristal si Erika at nagtanong na, "Kailan ka pa bumalik dito? Bakit hindi mo ako sinabihan?"

Bago sagutin ni Erika ang tanong ni Kristal ay nagmamadali siyang sinarado ang dalawang maleta. Alam niya kasing ayaw ni Kristal nang makalat.

"Akala ko umalis ka na?" Pagpapatuloy pang tanong ni Kristal.

"Uhm, may kinuha lang ako. Sa'yo ba 'to?"

Napasunod naman ang tingin ni Kristal sa tinuro ni Erika. Nailapag pala ni Kristal ang dalang bag sa kama niya kaya makikita kung ano ang sa loob niy