Kabanata 56.3

Kabanata 56.3

“Senior,” wika ni Set habang ginigising si Don Vandolf.

“Umaga na pala. Anong balita? Nakabalik na ba sina Dos?” Mumukat-mukat ang mga mata ni Don Vandolf habang nag-iinat.

“Hindi pa rin po sila nakakabalik,” nakayukong tugon ni Set.

Namilog ang mga mata ni Don Vandolf. Tinakasan siya bigla ng antok. “Ano? Wala pa rin sila?”

Tumango si Set.

Sinapo ni Don Vandolf ang kaniyang noo. “Anong oras na? Baka hindi tayo umabot sa kasal nina Jackson at Mereya kapag nagtagal pa sila. Sana naman ay makita at ma rescue agad nila ang taong tinutukoy ni Costello.”

“Siya nga po pala, senior…”

Tumaas ang isang kilay ni Don Vandolf. “Ano un? May nasagap kang bagong balita?” magkasunod na tanong niya.

“Nakausap ko po si Sir Jackson. Susunod daw po siya sa atin dito isla pagkatapos niyang ihatid si Miss Eya,” ulat ni Set.

“Anong kat@ngahan na naman ang pumasok sa isip ng isang ‘yon at susundan pa niya tayo rito? Paano niya nalaman na naririto tayo?” Bakas ang pagka-inis sa mukha ni Don Vand