Kabanata 57.5

Kabanata 57.5

Nangangatal ang labi nina Linda at Noemi nang makita nila ang duguang kamay ni Cindy.

Bago pa man makalabit ni Cindy ang hawak niyang bariL ay nalaglag na ito sa may damuhan. Napuruhan siya sa kamay ni Dos. Nang mapagtanto niyang duguan siya ay napasigaw siya. Ramdam na ramdam na niya ang sakit na nagmumula sa kaniyang sugatang kamay.

“Fajardo!” umiiyak na sigaw ni Noemi.

“P-Patawad, Miss H-Hiraya. S-Salamat sa pagiging mabuti mo sa akin. H-Hinding-hindi…” Sumuka ng dugo si Fajardo bago tuluyang natumba sa may damuhan.

“Huwag ka nang magsalita! Kailangan mong ipunin ang iyong lakas!” Nanginginig man ang mga tuhod ni Noemi ay pinilit pa rin niyang gumapang sa kinaroroonan ni Fajardo. Nasa harapan ito nang sumisigaw at gulat na gulat na si Cindy.

“A-Anong nangyari? Bakit? Ba-Bakit duguan si…Fajardo?” nauutal na sambit ni Cindy.

“B0b0 ka ba? Malamang sinalo niya ang pangalawang bala na para sana sa'yo! Ikaw sana ang nasa bingit ng kamatayan ngayon!” nagngingitngit sa galit