Kabanata 58.3

Kabanata 58.3

“Finally, I'm done! Magkakapera na ulit ako!” ani Jett habang nag-iinat ng kaniyang mga kamay. Tagumpay niyang nahanap ang lokasyon ni Don Desmundo, kuwarenta minuto na ang nakakaraan. Agad na umalis si Nadia para puntahan ang papa nito pagkatapos niyang ibigay ang eksaktong kinaroroonan ng matanda. Sunod niyang ginawa ay tinawagan ang numero ni Don Desmundo. Gumamit siya ng mimic app para gayahin ang boses ng private investigator nito. Sa tulong ng mga nakalap na impormasyon ni Nadia ay naisalaysay niya nang maayos ang katotohanan kay Don Desmundo.

“Tito Jett, ano pong ginawa mo kanina? Seryosong-seryoso po kasi ang mukha niyo,” tanong ni Yael habang tumatakbo palapit kay Jett.

“Nag work lang si tito. Bakit mag-isa ka lang? Nasaan ang Tita Yuna mo?” Itinabi na ni Jett ang kaniyang laptop at iba pang kagamitan sa lagayan.

“Umalis po saglit si tita. May bibilhin lang daw po siya,” tugon ni Yael.

Naalala ni Jett ang mga nabasa niya sa mga dokumentong ibinigay sa kaniya ni