Kabanta 58.1

Kabanata 58.1

“My little sunshine!” Maluha-luhang sinalubong ni Don Desmundo ang kaniyang apong si Mereya. Agad niya itong niyakap.

“Lolo, nakalabas na po kayo ng kulungan! Sobrang saya ko po!” Nabasa ang mga pisngi ni Mereya. Kumawala siya sa pagkakayakap ng lolo niya. “Teka, lolo. Nasaan po si lola? Kasama niyo rin po ba siya?” Luminga-linga siya sa paligid. Kumunot ang noo niya nang hindi niya nakita ang hinahanap niya.

Yumuko si Don Desmundo at umiling. “Patay na ang lola mo, Eya. Namatay siya sa kulungan,” bagsak ang balikat na sabi niya.

Dumaloy ang masaganang luha ni Mereya sa kaniyang mga mata. Ang kaniyang lola na halos araw-araw niyang dinadalaw noon sa kulungan para dalhan ng paborito nitong sinukmani at bibingka ay yumao na.

Ikinuyom ni Don Desmundo ang kaniyang mga kamay. “Kung hindi lang kami nakulong ng lola mo, hindi sana hahantong sa ganito ang lahat. Ilang taon din ang binuno namin sa mabaho, masikip at magulong lugar na iyon.”

Niyakap nang mahigpit ni Mereya ang kan