Kabanata 57.2

Kabanata 57.2

Pabilis nang pabilis ang tibok ni Noemi. Hindi niya maigalaw ang kaniyang buong katawan. Natulala siya sa may damuhan. Buong akala niya ay hindi na niya mayayakap at makikita si Mereya!

Mabilis na pumihit si Linda at itinutok ang kaniyang baril sa papalapit na si Fajardo. “Sinasabi ko na nga ba! Buhay ka pa, Cindy!”

Sinadya ni Linda na magpaputok ng baril para palabasin sa lungga ang kaniyang totoong pakay na si Cindy. Pinadaplis niya lang ang bala ng baril sa tuhod ni Noemi. Masuwerte pa rin ito at hindi ito natamaan dahil hindi ito gumalaw man lamang.

“Linda, ibaba mo ang baril mo at ibababa ko rin ang sa akin!” sigaw ni Fajardo.

Ngumiti si Linda. Matalas ang kaniyang mga mata. Kita niya agad ang nakatagong armas ni Fajardo. Sa halip na ibaba ang hawak niyang baril ay itinutok niya iyon kay Noemi.

“Miss Hiraya!” nag-aalalang sigaw ni Fajardo.

“Ibigay mo sa akin si Cindy kapalit ng amo mo at walang masasaktan miski sino sa atin,” wika ni Linda.

“Pakiusap, Mr. Fajardo, h