CHAPTER SEVENTY-SIX

Ilang Linggo nang nakakulong si Gerald. Daman-dama na niya ang hirap ng kalagayan niya sa loob. Bukod kina Sackey, Sofia, Daddy niya at si Brtney na dumaan muna bago tumulak papungtang ibang bansa ay may isang tao siyang gusto sana niyang makausap. Ngunit sa pagdaan ng mga araw, nawawalan na siya ng pag-asang dadalawin pa siya ni Diane sa kulungan. Ngunit kahit sa gitna ng lungkot at hirap niya sa loob ay nagagawa pa rin niyang ngumiti dahil sigurado siyang nasa mabuting kalagayan na si Diane at ang mga kapatid nito. Iyon lang naman ang gusto niyang mangyari hangga't hindi pa nalilinawan ang kanyang kaso.

Hindi bailable ang arson kaya nanatili siyang nakakulong. Naalala niya ang naging pag-uusap nila ng Daddy niya nang nakaraang araw. Doon siya ngayon humuhugot ng katiting na pag-asa.

"Anak, magtiis ka na muna. Kailangan nating maghintay na mamatay na muna ang isyu bago tayo makagawa ng paraan para mailabas ka dito. Mainit pa sa midya ang kaso mo pero pagdaan ng ilang buwan o kung mam