CHAPTER EIGHTY-FOUR

CHAPTER EIGHTY-FOUR

Nilingon niya si Ringgo na hindi pa bumababa. Tumingin din sa kanya si Ringgo. Inilapit nito mukha sa mukha ni Gerald. Kinabahan siya. Ito na yung kinatatakutan niyang mga tagpo. Alam na ni Gerald ang gagawin ni Ringgo. Hahalikan siya bago ito bababa at ano pa nga ba ang idadahilan niya? Pumikit na lang siya. Kailangan niyang panindigan ang kanyang desisyon kanina. Nang naglapat ang kanilang labi ay sinikap niyang maging normal lang. Pilit siyang ngumiti nang inilayo ni Ringgo ang labi nito sa kanya at niyakap siya ng mahigpit. Nandidiri siya. Nasusuka.

"Salamat mahal ko. I love you and good night."

"Good night," sagot ni Gerald. Gustung-gusto na niyang bumaba si Ringgo para mapunasan na sana niya ang labi niyang hinalikan nito. Diring-diri na talaga siya. Parang gusto niyang maduwal.

"Wala man lang bang sagot ang I love you ko?"

"I love you too." Mahina nitong tinuran. "Sige na, pumasok ka na sa inyo at nang makapagpahinga ka na rin."

Itinulak ni Ringgo ang pinto