CHAPTER EIGHTY-ONE

Hindi tumingin si Gerald. Nagbuga siya ng usok at itinapon niya ang upos ng kanyang sigarilyo.

"Gerald, puwede ba tayong mag-usap kahit sandali lang?"

"Pagkatapos mo akong hiwalayan sa mga panahong kailangang-kailangan kita? Nagmakaawa ako noon, nakiusap na sana huwag mong gawin sa akin iyon. Ikaw lang ang kinakapitan ko pero bumitiw ka! Sa tingin mo ba kailangan pa nating mag-usap?" sagot ni Gerald. Kumikislap ang gilid ng mga mata nito dahil sa pinipigilang luha.

"Magpapaliwanag ako."

Huminga ng malalim si Gerald. "Not now, not yet, not here!" makahulugang sagot niya.

Humakbang siya palayo. Hindi sila dapat makita ni Ringgo na nag-uusap. Masakit, mahirap ngunit kailangan niya munang umiwas. Hindi pa ito yung tamang panahon. Masyado pang maaga.

Bago makalayo si Gerald ay mabilis na hinawakan ni Diane ang braso nito.

"Gerald, please! Kahit sandali lang. I'm sorry!"

Huminto si Gerald ngunit hindi siya lumingon. Tinanggal niya ang kamay ni Diane sa kanyang braso. Pagkatanggal ni Gerald