CHAPTER NINETY-SEVEN

Sa aking kaibigan na si Engr. Sackey Belmonte, tol, hinding-hindi ko kailanman makakalimutan ang mga panahong lagi kang handang sumuporta sa akin sa kahit sa anong paraan. Hindi ka nagdalawang isip na lagi akong saluhin nang mga panahong bumagsak ako. Bibihira na ang mga kaibigang kagaya mo kaya kahit pa hindi ko madalas itong sabihin sa'yo, alam kong alam mo na kapatid na ang turing ko sa'yo. Kapatid ang turing ko sa inyo ni Britney. Nagpapasalamat rin ako sa kanya kahit wala siya rito ngaon. Kayo ang aking kasangga sa kahit anong laban sa aking buhay. "

Napalunok si Sackey. Kumindat siya kasunod ng pagsaludo. Nakokonsensiya siya dahil alam niyang marami siyang inililihim sa kanyang bestfriend. Marami silang inilihim ni Britney. Hindi sila nagiging totoo. Dahil sa pakiusap ng isang malapit na kamag-anak, nagsakripisyo ang kanyang kakambal at siya rin ay patuloy na naglilihim sa kanyang matalik na kaibigan. Hindi siya gano'n. Kahit kailan hindi siya naging sinungaling ngunit kailangan