CHAPTER ONE HUNDRED

"Actually, wala pa kaming napag-uusapan. Naabutan nila ako ritong nagpapahangin sandali. Halos magkasabay lang tayong lumapit sa kanila." Nakangiti niyang sagot kay Ringgo. Hindi na niya hinintay pang sumagot si Ringgo. Hinarap niya si Diane. "Congratulations! You soar high! You really are exceptional young lady." Inilahad niya ang kanyang kamay.

Hindi alam ni Diane kung tatanggapin niya iyon. May kakaiba siyang naramdaman kanina sa paglapit ni Gerald ngunit parang may mali. Huminga siya nang malalim. Sandali siyang napatitig sa kamay ni Gerald at dahan-dahan ding niyang tinanggap ang kamay nito. Kailangan niyang magmukhang isang tunay na professional.

"Salamat." maikli niyang sagot. Sandali lang ang pagkakadaop-palad nila ngunit naramdaman ni Diane ang kakaibang pagpisil ni Gerald doon. Ang titig nito sa kanya ngayon ay pareho sa pagkakatitig sa kanya noong hinatid siya ni Britney sa park at nagkita sila ni Gerald. Ngunit matagal na niyang pinutol ang kanyang paghahangad. Ni minsan a