CHAPTER ONE HUNDRED SIX

"Ngayon, nandito ka para mag-apply, hindi ba? Trabaho ang ipinunta mo dito kaya sana makuntento ka na sa kung ano lang muna ang kaya kong ibigay sa'yo." Tumunog ang cellphone ni Diane. Tinignan niya iyon sandali. Si Daniel ang tumatawag. Naghihintay na siguro iyon sa usapan nilang lunch.

"Excuse me, I have to take this call." Pagpapaalam niya.

Tumayo siya at naglakad hanggang sa bintana.

Malalim na buntong-hininga lang ang isinagot ni Gerald. Hindi pa nga ito ang tamang panahon na magsabi siya kay Diane. Galit pa ito sa nakaraan at kung dadagdagan niya ngayon iyon, baka lalo lang magkagulo ang lahat. Kailangan niya munang magsikap na hugasan ang lahat ng kanyang mga masasakit na sinabi para i-challenge siya noon. Kung sakaling mawala na ang galit at pagmamahal na ang papalit, siguro iyon na ang hudyat para magtapat na sila ni Sofia kung ano ang totoo. Hindi nakakatulong ngayon ang bigla niyang pagsasabi ng buong katotohanan, baka kasi iyon pa ang magtutulak dito para tuluyang sagutin