CHAPTER ONE HUNDRED ONE

"Mahirap bang paniwalaan?"

"Well, kapani-paniwala naman. Gusto nga kita eh. Kung may taong puwedeng itapat kay Gerald Saavedra, ikaw 'yon Diane. Hindi ko pa nasusubukan ang galing mo sa kama pero kung ikaw ang magiging partner ko, I don't care kung may ibubuga ka o wala. You have all the qualities of a partner that I had been lookin' for."

Humugot nang malalim na hininga si Diane. "Then maybe we can start talking about us when we stop discussing about him."

"Gusto ko 'yan. Infatuation lang naman yung naramdaman mo siguro kay Gerald noon. Madali ka lang makapag-move on kasi hindi naman naging kayo totally ng matagal na panahon at nakatulong ang ginawa niyang pag-iwas sa’yo para tuluyan mo siyang makalimutan din. Mabuti nga't gano'n siya. Hindi katulad ng karamihang paasa."

Naisip ni Diane. Sana gano'n din ang ginawa niya noon. Sana nang tinanggal siya sa trabaho at hinamak ni Gerald ang kanyang pagkatao ay hudyat na noon na dapat bumitiw na siya. Imbes kasi na lumayo siya, kumapit pa s