CHAPTER FIFTY-FIVE

CHAPTER 55

Hindi mapakali si Ringgo nang makita niyang nag-uusap ang lima. Ngunit bakit ba siya ninenerbiyos? Bakit kailangan niyang kabahan e, lumabas namang aksidente ang nangyaring iyon kay Sofia noon? Lalo siyang hindi mapakali nang nakita niyang palapit sa kotse niya sina Diane at ang parang magkamukhang lalaki at babae. Yung babae ang bagong ka-date ni Gerald. Kailangan niyang kumalma. Kumuha siya ng kanyang gamot. Sinaid na rin niya ang laman ng bote ng mineral water. Kailangan niyang makontrol ang kanyang pakiramdam.

"Bahala na! Kailangan kong kumilos na parang walang nangyari noon. Hindi nakakatulong ang ginagawa mong ganito Ringgo. Panindigan mong wala kang kasalanan sa nangyari kay Sofia dahil iyon naman talaga ang lumabas sa imbestigasyon noon," bulong niya sa sarili bago siya bumaba at hinarap ang dalawang tuluyan nang nasa tabi ng kanyang kotse.

"Ringgo, gusto ka raw makilala ng best friend ko at ng kambal niya." Nakangiting bungad ni Diane.

"Ahh, sure. I'm Ringgo." Inil