CHAPTER FIFTY-SEVEN 

CHAPTER FIFTY-SEVEN

"Good idea." tinitigan ni Ringgo si Diane. Naisip niyang maganda rin naman si Diane ngunit magkaiba nga lang sila ng dating ni Britney.

"Subukan ko munang ibato ang bola sa'yo at tignan natin kung paano mo titirahin para mapunta sa kabila. Okey?"

Tumango si Diane kasabay ng kanyang pilit na ngiti.

Naglakad na si Ringgo palayo hawak ang isang bola.

Natigilan si Diane nang makitang masayang nagpagulong-gulong ang dalawa sa damuhan hindi kalayuan sa court. Kaya pala ni Gerald maging masaya ng gano'n ngunit bakit naipagkait sa kanyang maranasan din nila iyon noon. Bakit sa kanya hindi pwede. Alam naman niya ang kasagutan pero bakit hindi siya nito kayang mahalin? Gusto niyang panindigan ang naging desisyon niya. Kay Ringgo na siya at mananatiling kay Ringgo ang kanyang atensiyon. Ayaw niyang masaktan pa sa patuloy na pag-reject sa kanya ni Gerald. Isa pa, dapat masaya siya para sa kaibigan niyang walang ibang ginawa kundi ang tumulong sa kanya. Kahit gaano kahirap, ka