CHAPTER SIXTY-FOUR

CHAPTER SIXTY-FOUR

"Mahal kita." bulong ni Gerald sa kanya. Iyon ang dahilan ng pagmulat at ikinabilog ng kanyang mga mata. Katagang muli niyang narinig. Hindi lasing si Gerald sa pagkakataong ito, hindi iyon tulak ng isang katatapos lang na sarap ng pagtatalik.

"Sigurado ka?" tanong niya.

"Noon pa, mahal na mahal na kita pero nilabanan ko lang. Ngayon, handa ko nang isuko ang pagmamatigas ko. Diane, mahal na mahal na mahal kita," madamdaming bulong muli ni Gerald.

Nag-uunahan na ang luha ni Diane sa saya. Hindi niya maipaliwanag ang nararamdaman. Ito na yun eh! Narinig din muli niya kay Gerald iyon. Hinarap niya si Gerald. Tumitig siya sa mga mata nitong nakikiusap.

"Mahal din kita. Mahal na mahal!" Kinagat niya ang labi niya saka niya pinunasan ang kanyang luha. "Pero alam mo ba kung anong masakit ngayon? Gerald, ayaw kong saktan ang kaibigan ko. Mahal kita, mahal na mahal ngunit hindi ko kayang panindigan iyon ngayon. Alam nating dalawa na hindi puwede hanggang kayo pa rin ni Brit