CHAPTER SIXTY-THREE

CHAPTER SIXTY-THREE

Ngunit biglang bumukas ang pintuan ng opisina.

Si Gerald ang dumating. Nadatnan niya ang kahayupang ginagawa ni Ringgo at mabilis na nag-init ang kanyang ulo.

Binitiwan ni Ringgo ang buhok ni Diane at mabilis na nagbago ang hitsura nito.

Dumantay ang palad ni Ringgo sa balikat ni Diane na parang tinatapik-tapik lang niya ito.

"Get back to work, Babe. Mukhang may istorbo sa ating lambingan. Nakalimutan na yata niya ang tamang ugali sa tuwing papasok sa opisina ng iba."

"Fuck you!" singhal ni Gerald. Noon lang nakita ni Diane na nagalit si Gerald ng ganoon. "Ringgo! Anong ginagawa mo? Pati ba naman babae, hindi ka naawang saktan?"

Nakita ni Diane na katulad niya, nakahanda na rin ang kamao nito ngunit nagpipigil din lang kagaya niya.

"Girlfriend mo 'yan, Ringgo! Itrato mo siya hindi bilang pag-aari mo kundi itrato mo siya bilang partner. Para ano pang naging kayo kung sinasaktan mo lang pala siya."

"Back to work, Diane. Lumabas ka muna dito!" singhal ni Ringgo kay Di