IN LOVE BUT STILL CAN'T BE TOGETHER

GREENWOODS CABIN, isang private farm resort na pag-aari ni Taj na nasa pusod ng Sebastian Plantation. Mayroong isang malaking swimming pool na para sa adults at isa pa na para naman sa mga bata. Mayroon ding sampong native style na cottages na nakapalibot sa marahil ay four thousand square meters na farm resort. Isang main hall kung saan gaganapin ang birthday party ni Hajie at isa pang extra hall para naman sa gustong kumanta dahil mayroong videoke machine doon. All in all ay napaka-ayos ng paligid.

Hindi naman ganoon karami ang imbitado sa ika-limang kaarawan ni Hajie. Ilang malalapit na kaibigan at kapamilya lang ni Taj ang naroon samantalang si Tiya Belen lang ang pumunta sa ilang natitirang kamag-anak ni Tori. Hindi naman siya malapit sa mga kapatid niya sa ama kaya hindi na niya sinubukang imbitahan. Pumunta rin ang ilan sa mga naging malapit sa kanya sa opisina ni Taj kagaya ng magkaibigang Sandra at Hannah saka sina Troy at Lenon.

Dumating din ang mag-asawang Cynthia at Raymo