UNEXPECTED

NAPATIGIL SA KANYANG ginagawa si Taj nang makarinig siya ng tatlong sunod-sunod na tunog mula sa nakasaradong pinto ng kanyang opisina. Mula sa kanyang binabasang dokumento ay saglit siyang nag-angat ng paningin bago nagsalita.

“Come in,” aniya.

Dahan-dahan bumukas ang pinto at mula roon ay pumasok ang sekretarya niyang si Cynthia.

“Sir?” may bahid ng pag-aalangan sa tinig na tawag-pansin ni Cynthia kay Taj.

“What is it?” tanong ni Taj habang ang mga mata ay hindi pa rin inaalis sa kanyang binabasa.

Maraming pending papers na kailangang pirmahan si Taj dahil na rin sa ilang sunod-sunod na mga pangyayari. Kailangan niyang mapirmahan ang lahat ng iyon hanggang bukas dahil lilipad naman siya patungo sa Manila para sa kanyang weekly meeting kasama ang board of directors ng Consunji Real Estate and Construction Company.

“May gusto pong makipag-usap sa inyo.” turan ni Cynthia habang nakatayo sa harapan ng mesa ng kanyang boss.

Napatigil si Taj sa akmang pagpirma sa hawak na papeles. Kumunot