HOW COULD YOU?!

[SAMANTALA, para naman sa ating showbiz balita ay narito si Laila Delgado, live mula sa New York. Laila?]

Nagkatinginan ang mag-asawang Lorie at Oxygen na kasalukuyang nasa lobby ng San Lorenzo Medical Center at hinihintay na mabigyan ng clearance ang labi ni Wanji na kasalukuyang nasa morgue. Maging si Taj na kanina pa nakatayo ay nabaling ang atensiyon sa malaking TV na nakadikit sa pader. Pati ang iba pang naroon din sa lobby nang mga sandaling iyon ay napatingin din sa TV.

[Magandang umaga sa mga kababayan natin diyan sa Pilipinas. Kung nakikita po ninyo ang background ko, narito po ako ngayon sa Grey Pebbles Plaza kung saan ginanap ang concert ng kilalang Infinite Star na si Tori Herrera. Last set na nga ng performance niya at excited ang lahat dahil inaasahan ng mga fan niya na ang kantang Move ang huli niyang kakantahin.]

Kuyom ang magkabilang palad na nanatiling nakatutok ang mga mata ni Taj sa screen ng malaking TV. Nag-aalala siya para sa dating asawa.

[Ngunit taliwas sa in