I'LL BE FINE

GREY PEBBLES PLAZA

MIDTOWN MANHATTAN, NEW YORK

“Last set,” ani ng isang staff ng team ni Tori.

Kasalukuyan silang nasa Grey Pebbles Plaza sa New York para sa kanyang comeback tour. Pagkatapos nito ay tutuloy naman sila sa Los Angles para sa huling stop ng tour bago sila babalik sa Pilipinas para naman sa homecoming concert.

Nakapagpalit na ng damit si Tori. Simpleng loose black shirt at maong shorts na lamang ang suot niya na pinaresan niya ng ankle boots na kulay itim. Ang buhok niyang kinulot ng stylist niya kanina ay ipapatali na lamang niya sa likuran.

“Ayos ka lang ba?” untag ni Ember sa alaga.

Kanina pa kasi niya napapansin na matamlay si Tori kaya nag-aalala siya. Dahil sa sunod-sunod na concert, rehearsals, guestings sa mga radion at TV stations para sa promotion plus ang sunod-sunod na biyahe nila, tiyak niyang wala nang mapaglagyan ang pagod ni Tori.

Hindi naman kasi mareklamo ang Pop star kahit noon pang nasa kasagsagan ito ng kasikatan, limang taon na ang nakakaraan. At ng