Halos tanghali na nang bumaba si Adeline. Sa sala ay naabutan niya ang mga maid na naglilinis at may isang batang lalaking nakaupo sa sofa habang nanunuod ng cartoons. Itim na itim ang medyo kulot nitong buhok. Mula sa pwesto niya ay kita niya ang mahaba at makapal nitong pilikmata, matangos na ilong at mapulang mga labi. Bilugan ang mukha nito at maputi ang kutis.
“Ma’am Adeline, ipinatatawag kayo ni Don Alvaro sa study room.”
Nilingon ni Adeline ang maid, “Sige, susunod ako.”
Hindi lingid sa kaalaman ni Adeline na may anak ang lalaking pinakasalan niya. Ayon kay Don Alvaro ay anak ito ni Drake sa dati nitong kasintahan na umalis at hindi na bumalik matapos ipanganak ang bata.Lumambot ang ekspresyon ng mukha ni Adeline habang nakatitig sa batang lalaki. Naalala niya ang kaniyang anak. Sanggol pa lamang ito nang kunin sa kaniya. Ni hindi niya nagawang makita ang mukha nito dahil nag-aagaw buhay siya nang bawian ito ng buhay. Tanging si Don Alvaro ang nakakita sa mukha ng kaniyang anak at napakasakit niyon sa kaniya. Namatay ito sa mismong kapanaganakan kaya ganoon nalang ang pagdurusang dinanas niya.
Hindi namalayan ni Adeline na tumtulo na ang luha sa kaniyang pisngi dahil sa mapait na alaala. Mabilis niyang pinahid ang luha nang bigla siyang lingunin ng bata.
Agad itong sumimangot, “Ayoko sayo!”
Tinitigan ni Adeline ang bata saka siya unti-unting ngumiti. Halatang hindi maganda ang ugali ng paslit pero hindi nakaramdam ng inis si Adeline. Sa halip ay tuwa ang naramdaman niya sa kaniyang puso.
“Dylan!” Isang seryoso at maawtoridad na boses ang narinig ni Adeline sa kaniyang likuran. Batid niyang si Don Alvaro iyon.
Tumakbo ang batang lalaki paakyat ng hagdan at agad naman itong sinundan ng dalawa nitong yaya. Napahabol ng tingin si Adeline kasabay ng mabilis na pintig ng kaniyang puso.
“Pagpasensyahan mo na ang batang iyon, Adeline. Lumalaki kasing walang ina at may sakit pa ang ama kaya nagkaganoon.”
Nilingon ni Adeline si Don Alvaro, “Kailangan lang ho niya ng tamang kalinga ng magulang.”Marahang tumango ang matanda. Sa tulong ng tungkod nito ay lumakad ito palapit sa sofa at doon naupo. Naupo rin si Adeline sa upuang inalisan ni Dylan.“Sa pasukan ay mag-aaral na ng kindergarten si Dylan. Pwede mo ba siyang samahang mag-enroll?”
Sukat ay napangiti si Adeline. Sabik siya sa anak dahil hindi niya manlang nahawakan ang sanggol na isinilang niya. Ngayong may bata siyang aalagaan ay gagawin niya ng buong puso ang kaniyang tungkulin.“Responsibilidad ko na si Dylan simula ngayon, Don Alvaro. Makakaasa kayong hindi ko siya pababayaan. Ituturing ko siyang tunay na anak at hindi ako susuko sa kaniya.”
Ngumiti ang matanda, “Magaling, Adeline! Kung ganoon ay wala na akong dapat ipangamba. Alam ko namang aalagaan mo ang apo ko at apo sa tuhod.”“Adeline…”
Humarap siya sa matanda, “Don Alvaro?”“Gusto kong alagaan mo ang aking apo. Si Drake. Umaasa ako na gagaling pa siya kaya gusto kong tutukan mo siya at ‘wag pabayaan. Ikaw nalang ang maaasahan ko. Kailangan ko siya para mamahala sa mga negosyo ko kaya hindi ako papayag na mawala siya. Maaasahan ba kita sa bagay na ito?”Tumango si Adeline at muling ngumiti, “Makakaasa ka, Don Alvaro.”Gagawin niya ang responsibilidad niya bilang may bahay ni Drake Velasquez. Hindi siya magiging perpkto pero gagawin niya ang lahat lalo na para sa batang si Dylan.
Nagday-off ang nurse na nag-aalaga kay Drake kaya kinuha ni Adeline ang responsibilidad sa pag-aasikaso sa asawa. Balak niyang nilisin ang katawan nito. Minsan na ring nalapnos ang kaniyang mukha kaya alam niya ang gagawin. Pwede namang ang in-house doctor ang tawagin niya para gawin ang responsibilidad na ito pero gusto ni Adeline na ipakita kay Don Alvaro na tumatanaw siya ng utang na loob at hindi siya sisira sa usapan nila.
Bitbit ang mga kakailanganin ay marahang pumasok si Adeline sa silid nila ng kaniyang asawa. Naupo siya sa gilid ng kama nito at tiningnan ang nakaratay na asawa. May guilt siyang naramdaman habang nakatitig dito pero ipinilig niya ang kaniyang ulo at humugot ng malalim na buntong-hininga. Inaasahan niyang papanig sa kaniya si Vincent Ryu matapos ang nangyari sa kanila. Kailangan niya ang lalaki kaya hindi niya hahayaang makuha ito ni Aries.
“Drake, ako ito si Adeline. Lilinisan ko ang katawan mo,” paalam ni Adeline sa asawa.Palaisipan kay Adeline kung bakit hanggang ngayon ay nakabalot pa rin sa benda ang katawan ng lalaki gayong halos isang taon na nang maaksidente ito. Ang naiisip niya lamang na dahilan ay dahil sa mga bakas ng sunog sa buong katawan nito. Marahil ay matindi ang pinsala sa katawan nito.
Hindi alam ni Adeline kung paano sisimulan ang pagpupunas sa katawan ng asawa kaya naman tumayo siya at pinagmasdan ito. Matapos ang ilang sandali ay sinimulan niyang alisin ang benda nito. Inuna niya ang benda sa katawan nito at habang numinipis ang benda ay mas nahihirapan siya kaya naman lumuhod siya sa kama at mas lumapit pa sa katawan ng lalaki. Dumukwang siya ngunit ganoon na lamang ang gulat niya nang dumulas ang kaniyang katawan at hindi sinasadyang napasubsob siya sa katawan ng asawa.
Nanlaki ang mga mata ni Adeline kasabay ng mabilis na pintig ng kaniyang puso. Sinubukan niyang iangat ang sarili ngunit hindi sinasadyang napahawak siya sa isang bagay. Napalunok siya saka sinundan ang bagay na nahahawakan ng kaniyang palad. Ang…Ang bagay sa pagitan ng mga hita ni Drake.
Napaigtad siya at tiningnan ang nakaratay na asawa ngunit halos takasan siya ng kaluluwa nang salubungin siya ng itim na pares ng mga mata na tila nakakalunod sa lalim. Nagtaasan ang balahibo ni Adeline kasunod ng malakas niyang tili at pagkahulog sa kama
“AH!”
Bakit…nakamulat ang mga mata nito?
HALOS panawan ng ulirat si Adeline habang nakatingin sa mulat nang mga mata ng asawa. Sa takot ay dali-dali siyang tumakbo palabas upang tawagin ang family doctor ng mg Velasquez. Humahangos na kumatok si Adeline sa kwarto ng binatang doktor na agad naman siyang pinagbuksan. “Mrs. Velasquez…” Humugot ng malalim na buntong-hininga si Adeline at itinuro ang pinto ng master bedroom, hindi kalayuan, “S-Si…Si Drake.” “Anong nangyari sa kaniya?” Agad na lumabas ng silid ang doktor matapos hablutin ang stethoscope at ilan pang mga gamit upang gamitin sa pagchecheck ng pasyente. “N-Nagmulat siya ng mata,” utal-utal na sagot ni Adeline sa doktor habang sumusunod dito papunta sa master bedroom. Sukat ay natigilan sa paghakbang ang doktor at dahan-dahan siyang nilingon, “Ano iyon, Mrs. Velasquez?” “Nagmulat siya ng mata, dok. Kitang-kita ko,” siguradong sagot ni Adeline. Hindi siya maaaring magkamali. Nakita niyang mulat ang asawa at nakatingin ito sa kaniya kanina. Wala nang imi
NANG muling pumasok sa master bedroom si Adeline ay saktong nagliligpit na ng gamit ang family doctor. “Pinalitan mo siya ng bandage?” Puna niya nang mapansin ang itinapon nitong bandage. Tumango ng marahan ang doktor, “Oo. Mrs. Velasquez…” “Hm?” Ani Adeline bago nilingon ang doktor mula sa pagtitig sa nakaratay na asawa. “Iyong pagmulat niya ng mata…” “Oo, dok. Hindi ko sinasadya iyon. Nasaktan ko ba siya? Ayos lang ba siya?” Humugot ng malalim na buntong-hininga si Gabriel, “Ang totoo niyan pang-apat na beses na niyang ginawa ito.” Napaawang ang labi ni Adeline, “Totoo ba?” “Ang mga unang beses na nagmulat siya ng mata ay dahil sa mga bagay na nagugustuhan niya. Katulad ng kapag nakarinig siya ng music na pamilyar sa kaniya. O kaya nakarinig siya ng boses na siguro ay namimiss niya…” Napalunok si Adeline, “Ano sa tingin mo ang dahilan niya ngayon?” Sinulyapan ni Gabriel ang kaibigan saka muling hinarap si Adeline, “Mukhang gusto niyang inaalagaan mo siya, Mrs. Velasquez.”
MATAMANG pinagmamasdan ni Adeline ang batang lalaki. Panaka-naka itong sumusulyap sa kaniya ngunit magana namang kumakain. Magaan ang kaniyang pakiramdam habang pinagmamasdan ang bata. Tila may kung anong humaplos sa kaniyang puso habang pinagmamasdan ang magana nitong pag kain. Akmang kukuha pa ng fried chicken ang bata nang pabirong hilahin ni Adeline ang bowl. Namilog ang mga mata nito at tiningala siya. Mahinang natawa si Adeline, “Masarap diba?” Unti-unting nalukot ang mukha ng paslit. Natatawang nilagyan ni Adeline ng panibagong ulam ang pinggan nito. Hindi sumagot ang bata. Tiningnan lamang siya nito nang matalim saka muling dumulog sa pag kain. Tamang-tama naman na pumasok sa kusina ang dalawang taong kinaiinisan ni Adeline. Kunot ang noo ni Aries habang nakangisi naman si Diana. Agad na nawalan ng ganang kumain si Adeline. “Anong ginagawa mo, Adeline?” Galit na tanong ni Aries. Tumaas ang kilay ni Adeline, “Ano sa tingin mo?” Suminghap naman si Diana saka niyuko
HINDI napigilan ni Adeline na pagkiskisin ang mga ngipin sa labis na galit. Nagpupuyos ang kaniyang damdamin sa gigil at gusto niyang sabunutan ang babaeng kaharap. Naalala niya ang walang katuturang chismis na kumalat noon involved ang mga magulang niya. Pinagbintangan noon ang kaniyang ina na pinakasalan lamang ang kaniyang ama dahil sa yaman nito. Hanggang ngayon ay dala-dala niya pa ang sakit na dulot ng chismis na iyon. Hindi niya makalimutan dahil halos masira ang kaniyang pamilya dahil sa paninira ng ibang tao sa relasyon ng mga magulang niya. “Ano? Nasapol ko ba?” Ngingisi-ngising tanong sa kaniya ni Diana. Tinitigan ni Adeline ang babae gamit ang madilim na emosyon sa mga mata. Malaki ang kasalanan nito sa kaniya. Napakalaki at kahit kailan ay hindi na niya ito mapapatad. Lumuhod man ito sa pako at lumuha man ng dugo, hindi siya makakaramdam ng kahit na konting awa para sa babae. Gustong-gusto na niyang hilahin ang
HINDI makasagot si Adeline. Nagulat siya sa pagdagundong ng malakas na sigaw ni Don Alvaro. Gusto niyang mangatwiran ngunit hindi niya maibuka ang mga labi at tila nalulon niya ang kaniyang dila. Kitang-kita niya ang nag-aapoy na galit sa mga mata ng Don at alam ni Adeline na kung maniniwala ito kay Diana ay baka mapalayas siya sa mansion nang wala sa oras.Mas lalong lumakas ang hagulgol ni Diana na nagpataas lalo ng gigil ni Adeline. Masyado nang gasgas ang arte ng babae. Gusto niya itong tadyakan sa mukha.“BAKIT NABASAG ANG VASE, ADELINE?”Mariing napapikit si Adeline sa lakas ng sigaw ng matanda.“Siya ang may kasalanan, grandpa!” Umiiyak na sumbon
HALOS mawalan na ng malay si Diana sa sobrang takot sa Don. Bigla ay parang gusto niyang lumuhod at magmakaawa sa matanda upang patawarin siya hindi pa man nito nakikita ang proweba sa kasalanang ginawa niya. Natatakot siya sa maaaring gawin ni Don Alvaro. Istrikto ito at alam niyang hindi siya nito sasantuhin sa parusa kahit pa nga asawa niya ang pangalawa nitong apo.Tinaasan ni Adeline ng kilay ang dalawa. Gusto niyang matawa sa biglang pag-amo ng kanina’y mabangis na mukha ni Diana. Mula sa tigre ay para itong naging isang kuting na takot na takot sa malaking pusa.Humakbang si Aries palapit kay Don Alvaro. “G-Grandpa, hindi naman na kailangang panuorin ang CCTV. Paniwalaan mo nalang kami dahil hindi naman kami magsisinungaling sa ‘yo.”Hindi nakita ni Aries ang totoong
NGUMITI si Adeline sa kabila ng matalim na tingin ni Dylan. Mailap sa kahit kanino ang bata at alam niyang nag-aalala ito sa mga nangyayari. Maaaring natatakot itong maiwan ng ama at sisiguruhin ni Adeline na maipararamdam niya sa bata na ligtas ito at hindi rin niya pababayaan ang ama nito. Naupo si Adeline sa single couch na malapit sa kama habang matiim pa ring pinagmamasdan ang paslit. “Bakit ka nakikinig sa usapan ng may usapan?” “Hindi ako nakikinig. Narinig ko lang,” sagot ni Adeline habang nakangiti. Umismid ang paslit, “Pareho na rin iyon. Bakit mo ba ako sinundan dito?” Tinitigan ni Adeline si Dylan. May kung ano sa mga mata nito na hindi niya maipaliwanag. Para bang kilala niya ang mga matang iyon at hindi niya lamang maalala. “Ang cute mong bata ka,” hindi napigilang saad ni Adeline. Tumalim muli ang tingin ni Dylan, “Hindi ako cute at hindi n
MAAGANG gumising si Adeline kinabukasan. Sa utos ni Don Alvaro ay hinatid siya ng driver nito sa del Gallego Corporation. Isang fashion company kung saan magtatrabaho si Adeline. Isa si Don Alvaro sa shareholders ng del Gallego Corporation at bilang inirekomenda, hindi na dumaan sa interview si Adeline. Agad siyang nakapasok sa design department. Sa totoo lang ayaw siyang payagan ng matanda na magtrabaho. Ang gusto nito ay nakatutok lamang siya sa pag-aalaga kay Drake at Dylan pero nakiusap siya sa matanda. Pumayag naman ito sa kondisyon na half day lang siyang papasok sa opisina at hindi siya araw-araw na naroon. Halos work from home ang kalalabasan ng setup niya pero tinanggap na niya ang kondisyon kaysa naman maburo siya sa mansyon. Isa rin sa kondisyon ng matanda na sa del Gallego siya magtatrabaho. Fashion company rin naman ang kompanya na gusto niyang pasukan kaya pumayag na siya na sa del Gallego nalang magtrabaho. S