HALOS panawan ng ulirat si Adeline habang nakatingin sa mulat nang mga mata ng asawa. Sa takot ay dali-dali siyang tumakbo palabas upang tawagin ang family doctor ng mg Velasquez. Humahangos na kumatok si Adeline sa kwarto ng binatang doktor na agad naman siyang pinagbuksan.
“Mrs. Velasquez…” Humugot ng malalim na buntong-hininga si Adeline at itinuro ang pinto ng master bedroom, hindi kalayuan, “S-Si…Si Drake.” “Anong nangyari sa kaniya?” Agad na lumabas ng silid ang doktor matapos hablutin ang stethoscope at ilan pang mga gamit upang gamitin sa pagchecheck ng pasyente. “N-Nagmulat siya ng mata,” utal-utal na sagot ni Adeline sa doktor habang sumusunod dito papunta sa master bedroom. Sukat ay natigilan sa paghakbang ang doktor at dahan-dahan siyang nilingon, “Ano iyon, Mrs. Velasquez?” “Nagmulat siya ng mata, dok. Kitang-kita ko,” siguradong sagot ni Adeline. Hindi siya maaaring magkamali. Nakita niyang mulat ang asawa at nakatingin ito sa kaniya kanina. Wala nang imik na tumuloy sa master bedroom ang doktor. Naabutan nila si Drake na nakaratay sa kama at walang kagalaw-galaw. Sarado na ulit ang mga mata nito. Natutop ni Adeline ang sariling bibig. Imposible! Alam niya ang nakita niya. Umiling siya nang lingunin siya ng doktor matapos nitong icheck ang pasyente. “Paanong nagmulat, Mrs. Velasquez? Imposible ang sinasabi mo.” Lumunok si Adeline. Nakakahiya man pero kailangan niyang sabihin ang nangyari bago ito nagmulat ng mata. Humugot ng malalim na hininga si Adeline, “K-Kasi…bago siya nagmulat ng mata… Ano..” “Anong nangyari, Mrs. Velasquez?” “N-Nahawakan ko siya sa ano…doon,” ininguso niya ang parteng nahawakan at agad namilog ang mga mata ng doktor. Napalunok ang doktor at tumikhim. Halos magmukhang kamatis naman si Adeline dahil sa pamumula ng kaniyang pisngi. Kinagat niya ang pang-ibabang labi habang namamayani ang nakabibinging katahimikan. “Uh…Mrs. Velasquez, maaari mo akong iwan muna? Kailangan ko lang icheck si Mr. Velasquez.” Dahil na rin sa kahihiyan, agad na tumango si Adeline at lumabas ng silid. Nasapo niya ang kumakabog na dibdib nang maisara ang pinto ng master bedroom. Hanggang ngayon ay ramdam niya pa rin ang gulat at kung anong kuryenteng dumapo sa kaniya nang makita ang mga mata ng asawa. Hinaplos ni Adeline ang mainit na pisngi saka umiling, “Gosh!” Sobra siyang nagulat pero may ibang bagay pa siyang naramdaman. Umiling si Adeline saka bumaba at nagpasyang pumunta sa kusina upang uminom ng tubig. Samantala, nakikinig sa likod ng saradong pinto ang family doctor na si Gabriel Aguilar. Nang masigurong umalis na si Adeline ay bumalik ito sa tabi ng kama at tinapik ang balikat ni Drake. Mabilis na umupo sa kama si Drake at tinapunan ng matalim na tingin ang doktor na siya ring kaibigan niya. “T-ngina, Gabriel! Tingin ko may binabalak ang babaeng iyon. May nagpadala sa kaniya dito!” Umiling si Gabriel, “Mayroon nga. Ang lolo mo.” Nagtiim-bagang si Drake at hinablot ang bandage sa kaniyang mukha. Naiirita siya sa isiping halos panawan siya ng ulirat dahil lang sa simpleng hawak mula sa kaniyang asawa. Aksidente pa. Pakiramdam niya ay mababaliw siya dahil sa nangyari. “Hoy, Drake! Baka bumalik si Mrs. Velasquez.” Muling tumalim ang tingin ni Drake, “Mrs. Velasquez, huh?” “Ano bang nangyari? Bakit ka nagmulat ng mata? Mahuhuli ka sa ginagawa mo e.” “Ikaw bang hawakan ng ganoon, hindi ka magmumulat?” Marahas na bumuga ng hangin si Gabriel at umiling, “Asawa mo naman siya. Isa pa hindi naman titigas ‘yan.” Binalot sila ng nakabibinging katahimikan. Unti-unti namang namilog ang mga mata ni Gabriel nang nanahimik si Drake at nahulog sa malalim na pag-iisip. “T-ngina, Drake! Nagreact iyan?” Matapos mabigo sa unang babaeng minahal at maaksidente ay hindi na muling nakaramdam ng pagnanasa si Drake. Naniwala siya sa sinabi ni Gabriel na maaaring may male organ dysfunction siya ngunit nasisiguro ni Drake na hindi panaginip ang nangyari sa kanila ni Adeline noong gabi ng kanilang kasal. Hindi niya sinasadyang lokohin ang babae. Ito naman ang unang lumapit sa kaniya at hindi niya ito pinilit na sumiping sa kaniya. Nang maghubad ito sa kaniyang harapan, naisip niyang hindi basta-bastang babae si Adeline. Mayroon itong lihim at gusto niyang maibunyag iyon. “Hoy, Drake!” Pinalo ni Gabriel ang balikat niya. Marahas na bumuga ng hangin si Drake at tiningnan ang kaibigang doktor, “May…nangyari sa amin.” “Ano?!” Napahawak sa buhok si Gabriel. “Kailan? Saan? Paano? Sigurado ka? Baka nananaginip ka lang?” “T-ngina naman, Aguilar. Mukha bang pagnanasaan ko ang babaeng iyon?” “Maganda siya, Drake.” Dumilim ang mukha ni Drake. Hindi niya alam kung bakit bigla siyang nainis sa isiping nagagandahan ang kaibigan sa kaniyang asawa. “Oh, easy!” Natatawang awat ni Gabriel bago sumeryoso. “Pero, Drake. Alam nating dalawa na hindi na nagrereact iyan. Ilang beses kang nag-experimento sa ibang babae.” “Iyon na nga,” gigil na sagot ni Drake. “Sa ibang babae, hindi. Kay Adeline mabilis magreact.” Natutop ni Gabriel ang sariling bibig habang nakatingin sa kaibigan. Hindi siya makapaniwala. Ibig sabihin ay malaki ang chance na matulungan ni Adeline ang kaibigan niya. Unti-unting ngumisi si Gabriel habang marahang tumatango, “Ganoon pala…” “Anong iniisip mo, g-go?” Natawa si Gabriel, “Siguro mas mabuting magdidikit ka kay Mrs. Velasquez.” “Pinagsasabi mo? Lagyan mo ng bagong benda ang mukha ko bago pa bumalik ang babaeng iyon.” Tumayo si Gabriel at kumuha ng bagong benda. Sinimulan niyang balutan ang mukha ng kaibigan habang hindi pa rin mawala-wala ang ideya sa kaniyang isipan. “T-ngina mo, Aguilar! Tigilan mo ang pag-ngisi. Mukha kang demonyo.” Tumawa si Gabriel, “‘Wag kang mag-alala, mafriend. Ako ang bahala sa ‘yo. Teka, paano nga pala may nangyari sa inyo? Kailan iyon?” Bumuntong-hininga si Drake, “Noong gabi ng kasal. Pinuntahan niya ako sa hotel.” “Ano? Ibig sabihin kilala ka niya?” Umiling si Drake, “Nakilala niya si Vincent Ryu, hindi Drake Velasquez.” Napailing si Gabriel, “Man! Problema iyan. Inakit mo?” Nangunot ang noo ni Drake at matigas na nagsalita, “She threw herself at me in exchange for turning down Aries.” “What the fck?” “What the fck talaga!” Iritadong sagot ni Drake. “Tingin ko pinadala siya dito ng kung sino. Kailangan kong malaman kung sino talaga siya at si Vincent Ryu ang magiging susi ko para malaman ang sikreto niya.” Natahimik ang dalawa. Paulit-ulit na nagtitiim-bagang si Drake habang nakatitig sa kawalan at naglalaro sa isipan niya ang isang plano. ‘What are you hiding, my dear wife?’NANG muling pumasok sa master bedroom si Adeline ay saktong nagliligpit na ng gamit ang family doctor. “Pinalitan mo siya ng bandage?” Puna niya nang mapansin ang itinapon nitong bandage. Tumango ng marahan ang doktor, “Oo. Mrs. Velasquez…” “Hm?” Ani Adeline bago nilingon ang doktor mula sa pagtitig sa nakaratay na asawa. “Iyong pagmulat niya ng mata…” “Oo, dok. Hindi ko sinasadya iyon. Nasaktan ko ba siya? Ayos lang ba siya?” Humugot ng malalim na buntong-hininga si Gabriel, “Ang totoo niyan pang-apat na beses na niyang ginawa ito.” Napaawang ang labi ni Adeline, “Totoo ba?” “Ang mga unang beses na nagmulat siya ng mata ay dahil sa mga bagay na nagugustuhan niya. Katulad ng kapag nakarinig siya ng music na pamilyar sa kaniya. O kaya nakarinig siya ng boses na siguro ay namimiss niya…” Napalunok si Adeline, “Ano sa tingin mo ang dahilan niya ngayon?” Sinulyapan ni Gabriel ang kaibigan saka muling hinarap si Adeline, “Mukhang gusto niyang inaalagaan mo siya, Mrs. Velasquez.”
MATAMANG pinagmamasdan ni Adeline ang batang lalaki. Panaka-naka itong sumusulyap sa kaniya ngunit magana namang kumakain. Magaan ang kaniyang pakiramdam habang pinagmamasdan ang bata. Tila may kung anong humaplos sa kaniyang puso habang pinagmamasdan ang magana nitong pag kain. Akmang kukuha pa ng fried chicken ang bata nang pabirong hilahin ni Adeline ang bowl. Namilog ang mga mata nito at tiningala siya. Mahinang natawa si Adeline, “Masarap diba?” Unti-unting nalukot ang mukha ng paslit. Natatawang nilagyan ni Adeline ng panibagong ulam ang pinggan nito. Hindi sumagot ang bata. Tiningnan lamang siya nito nang matalim saka muling dumulog sa pag kain. Tamang-tama naman na pumasok sa kusina ang dalawang taong kinaiinisan ni Adeline. Kunot ang noo ni Aries habang nakangisi naman si Diana. Agad na nawalan ng ganang kumain si Adeline. “Anong ginagawa mo, Adeline?” Galit na tanong ni Aries. Tumaas ang kilay ni Adeline, “Ano sa tingin mo?” Suminghap naman si Diana saka niyuko
HINDI napigilan ni Adeline na pagkiskisin ang mga ngipin sa labis na galit. Nagpupuyos ang kaniyang damdamin sa gigil at gusto niyang sabunutan ang babaeng kaharap. Naalala niya ang walang katuturang chismis na kumalat noon involved ang mga magulang niya. Pinagbintangan noon ang kaniyang ina na pinakasalan lamang ang kaniyang ama dahil sa yaman nito. Hanggang ngayon ay dala-dala niya pa ang sakit na dulot ng chismis na iyon. Hindi niya makalimutan dahil halos masira ang kaniyang pamilya dahil sa paninira ng ibang tao sa relasyon ng mga magulang niya. “Ano? Nasapol ko ba?” Ngingisi-ngising tanong sa kaniya ni Diana. Tinitigan ni Adeline ang babae gamit ang madilim na emosyon sa mga mata. Malaki ang kasalanan nito sa kaniya. Napakalaki at kahit kailan ay hindi na niya ito mapapatad. Lumuhod man ito sa pako at lumuha man ng dugo, hindi siya makakaramdam ng kahit na konting awa para sa babae. Gustong-gusto na niyang hilahin ang
HINDI makasagot si Adeline. Nagulat siya sa pagdagundong ng malakas na sigaw ni Don Alvaro. Gusto niyang mangatwiran ngunit hindi niya maibuka ang mga labi at tila nalulon niya ang kaniyang dila. Kitang-kita niya ang nag-aapoy na galit sa mga mata ng Don at alam ni Adeline na kung maniniwala ito kay Diana ay baka mapalayas siya sa mansion nang wala sa oras.Mas lalong lumakas ang hagulgol ni Diana na nagpataas lalo ng gigil ni Adeline. Masyado nang gasgas ang arte ng babae. Gusto niya itong tadyakan sa mukha.“BAKIT NABASAG ANG VASE, ADELINE?”Mariing napapikit si Adeline sa lakas ng sigaw ng matanda.“Siya ang may kasalanan, grandpa!” Umiiyak na sumbon
HALOS mawalan na ng malay si Diana sa sobrang takot sa Don. Bigla ay parang gusto niyang lumuhod at magmakaawa sa matanda upang patawarin siya hindi pa man nito nakikita ang proweba sa kasalanang ginawa niya. Natatakot siya sa maaaring gawin ni Don Alvaro. Istrikto ito at alam niyang hindi siya nito sasantuhin sa parusa kahit pa nga asawa niya ang pangalawa nitong apo.Tinaasan ni Adeline ng kilay ang dalawa. Gusto niyang matawa sa biglang pag-amo ng kanina’y mabangis na mukha ni Diana. Mula sa tigre ay para itong naging isang kuting na takot na takot sa malaking pusa.Humakbang si Aries palapit kay Don Alvaro. “G-Grandpa, hindi naman na kailangang panuorin ang CCTV. Paniwalaan mo nalang kami dahil hindi naman kami magsisinungaling sa ‘yo.”Hindi nakita ni Aries ang totoong
NGUMITI si Adeline sa kabila ng matalim na tingin ni Dylan. Mailap sa kahit kanino ang bata at alam niyang nag-aalala ito sa mga nangyayari. Maaaring natatakot itong maiwan ng ama at sisiguruhin ni Adeline na maipararamdam niya sa bata na ligtas ito at hindi rin niya pababayaan ang ama nito. Naupo si Adeline sa single couch na malapit sa kama habang matiim pa ring pinagmamasdan ang paslit. “Bakit ka nakikinig sa usapan ng may usapan?” “Hindi ako nakikinig. Narinig ko lang,” sagot ni Adeline habang nakangiti. Umismid ang paslit, “Pareho na rin iyon. Bakit mo ba ako sinundan dito?” Tinitigan ni Adeline si Dylan. May kung ano sa mga mata nito na hindi niya maipaliwanag. Para bang kilala niya ang mga matang iyon at hindi niya lamang maalala. “Ang cute mong bata ka,” hindi napigilang saad ni Adeline. Tumalim muli ang tingin ni Dylan, “Hindi ako cute at hindi n
MAAGANG gumising si Adeline kinabukasan. Sa utos ni Don Alvaro ay hinatid siya ng driver nito sa del Gallego Corporation. Isang fashion company kung saan magtatrabaho si Adeline. Isa si Don Alvaro sa shareholders ng del Gallego Corporation at bilang inirekomenda, hindi na dumaan sa interview si Adeline. Agad siyang nakapasok sa design department. Sa totoo lang ayaw siyang payagan ng matanda na magtrabaho. Ang gusto nito ay nakatutok lamang siya sa pag-aalaga kay Drake at Dylan pero nakiusap siya sa matanda. Pumayag naman ito sa kondisyon na half day lang siyang papasok sa opisina at hindi siya araw-araw na naroon. Halos work from home ang kalalabasan ng setup niya pero tinanggap na niya ang kondisyon kaysa naman maburo siya sa mansyon. Isa rin sa kondisyon ng matanda na sa del Gallego siya magtatrabaho. Fashion company rin naman ang kompanya na gusto niyang pasukan kaya pumayag na siya na sa del Gallego nalang magtrabaho. S
“D-DITO ang mesa mo, Adeline.”Tiningnan ni Adeline ang team member na nagturo ng lamesa niya. Marahan siyang tumango at nagpasalamat bago naupo sa kaniyang upuan.Kapansin-pansin ang tahimik na paligid. Nag-angat ng mukha si Adeline at tiningnan ang mga miyembro ng team 1 at team 2. Halata ang disgusto sa mukha ng mga miyembro ng team 1 habang nakatingin sa kaniya. Awkward naman ang tingin sa kaniya ng mga kateam niya.Matapos magwalk out ni Diana, natahimik na ang lahat. Nawala na rin ang bulong-bulongan pero alam ni Adeline na hindi iyon magtatagal.“Adeline…”Nilingon ni Adeline ang katabing mesa. Nakatingin sa kaniya ang isang member ng team at dahan-dahang iniabot ang isang folder.“Ano ito?”“May bago kasing project ang kompanya. Magdedesign tayo ng tatlong dress na pagpipilian para sa gagamitin ng model natin na ishoshowcase sa fashion week next month. As usual, kalaban natin an