Chapter 48: I'm Just Here

BUMALIK si Adeline sa del Gallego building at nagpanggap na kalalabas lang sa trabaho. Nakatingin sa kaniya si Matias na may pagtataka sa mukha.

“Bakit?”

Umiling ang lalaki, “Wala po, ma’am. Sabi kasi ng kasamahan niyo sa trabaho ay kanina ka pa nag-out.”

Napakagat ng labi si Adeline. “Sige na, magdrive ka na.”

Tahimik lang si Adeline habang pauwi. Nasa isip niya pa rin ang nangyari kanina sa condo ni Vincent Ryu. Ang mga kilos nito. Ang bawat sulyap nito na kadalasan ay nahuhuli niya. Ang bawat paglapit nito. Lahat ng iyon ay paulit-ulit na naglalaro sa kaniyang isipan na tila ba isang sirang CD.

“Nandito na tayo, ma’am.”

Napakurap-kurap si Adeline. Narito na nga sila. Sa loob ng garahe. Mukhang napansin ni Matias na wala siya sa sarili kaya dumiretso na ito sa loob ng garahe.

Tinanguan niya lamang ito saka siya lumabas. Tahimik siyang pumasok sa loob ng mansyon at dumiretso sa master bedroom matapos icheck sina Sofia at Dylan na nanunuod ng TV sa silid ng huli.

Ganoon nalang ang gu