Chapter 52: Friends

HINDI masagot ni Adeline ang tanong ni Drake. Hindi na rin naman siya nito pinilit at hinayaan nang maligo at magpalit.

Tahimik silang dalawa nang nasa sasakyan na. Nang makarating sa bar kung saan kikitain ni Drake ang mga kaibigan nito ay agad niyang inalalayan ang asawa.

Maayos na ang lakad nito. Tuwid na pero kailangan pa rin ng alalay niya.

Kinonsulta niya kanina ang doktor ni Drake na si Dok Gabriel bago sila umalis at hindi naman ito naghigpit. Katunayan ay sinabi nito na mabuting lumabas si Drake paminsan-minsan.

Tatlong lalaki at dalawang babae ang naghihintay sa kanila nang makalapit sa sulok ng bar kung saan medyo madilim at may dalawang malalaking couch. Nagtatawanan ang tatlong lalo at dalawang babae nang mapatingin ang isang babae sa kanila.

“Drakey!”

Agad nangunot ang noo ni Adeline. Drakey?

Sinalubong sila ng mga kaibigan ni Drake humigpit ang hawak ni Adeline sa braso nang asawa nang lumapit ang babaeng bumati dito at yumakap.

Tumaas ang isa niyang kilay nang linguni