Chapter 49: Worries

INAYA ni Adeline na maghapunan si Gabriel pero tumanggi ito at sinabing busog pa. Hindi na niya ito inabala pa dahil nagbabasa ng libro ang lalaki.

Nang makarating sa kusina ay naghihintay na sina Sofia, Dylan at Drake sa kaniya. Nasa kabisera si Drake at matamang pinagmamasdan sina Sofia at Dylan na pinag-uusapan ang tungkol sa pinanuod nilang palabas.

Tumigil sa may bukana ng kusina si Adeline at pinagmasdan ang tatlo. Gusto na niyang hilahin ang oras para malaman kung tama ba ang hinala niya na magkapatid sina Dylan at Sofia. Ang totoo ay inihabol niya kay Matias ang isang hibla ng buhok ni Drake para sa paternity test ng dalawang bata. Alam niyang maaring hindi reliable ang resulta pero kung magmatch ang tatlo, given na magkakahawig ang mga ito ay malaking tulong na upang masagot ang mga tanong niya.

“Si Don Alvaro?” Tanong ni Adeline habang lumalapit sa mahabang dining table.

Umiling ang mayordoma, “Umalis po ang Don kanina, ma’am.”

Tumango si Adeline at naupo sa upuang katabi n