Chapter 47: Pizza

WALANG maramdaman si Adeline habang palabas ng restroom. Hindi siya dumaan sa pasilyo pabalik sa event hall. Sa halip ay ang kabilang direksyon ang tinahak niya papunta sa exit.

Blangko ang ekspresyon sa kaniyang mukha at walang mababakas na emosyon sa kaniyang mga mata.

Kahit kailan ay hindi siya maghahabol pa sa isang lalaki. Tama na ang isang niyang pagpapakatanga at kahit wala silang nakaraan ni Connor del Gallego ay apektado siya dahil siya ang pinagsasabihan ng masasakit na salitang iyon.

“Adeline…”

May humawak sa braso ni Adeline bago pa siya makalabas sa exit. Si Vincent iyon at agad siyang pinihit paharap dito.

Tiningnan niya ang lalaki sa mga mata. “‘Wag muna ngayon, Vince. Gusto ko nalang umuwi.”

Bumuntong-hininga si Vincent at marahang binitawan ang kaniyang braso. Tumitig ito sa kaniya na may pag-aalala sa mga mata bago tumango ng marahan.

“Do you want me to send you home?”

Umiling si Adeline. “Hindi na. Nasa labas ang bodyguard ko.”

Hindi na nagsalita pa si Vincent. Pina