Chapter 21: A Torture

NANG makapasok ng mansyon ay nagulat si Adeline nang madatnan si Don Alvaro na nakaupo sa single couch at hawak ang tungkod nito. Umawang ang kaniyang labi nang dahan-dahan siyang lingunin ng matanda gamit ang seryoso nitong mukha at malamig na mga mata.

“Saan ka nanggaling, Adeline?”

Napalunok si Adeline, “L-Lumabas lang po ako para puntahan si Adrian —”

“Hindi ka dapat naglalagi sa labas at nagtatagal ng ganitong oras nang wala sa loob ng bahay. Kasal ka na, Adeline. Sa apo ko. Ayokong mapabayaan mo ang obligasyon mo sa mag-ama.”

Napayuko si Adeline, “Pasensya na po, Don Alvaro.”

“Hindi kita pinaghihigpitan. Malaya kang gawin ang lahat ng gusto mo kapalit ng pagtugon mo sa obligasyon mo sa apo ko. Hindi ka pa naman siguro nakakalimot sa kasunduan natin, hindi ba?”

“Hindi ko po nakakalimutan, Don Alvaro.”

Tumayo ang matanda at tinitigan siya bago muling nagsalita, “Pumanhik ka na at maghanda sa pagtulog.”

Nang mapasok sa master bedroom ay napahugot ng malalim na hining