Chapter 29: Family Dinner

NAGPATAWAG ng family dinner si Don Alvaro. Matapos bihisan ni Adeline si Sofia ay pumasok siya sa silid ni Dylan at nilapitan ang bata. Nakatayo ito sa harap ng salamin at inaayos ang buhok.

Napangiti si Adeline, “Ang pogi naman ng binata namin.”

Sumimangot si Dylan pero hindi nagsalita. Mas lalo namang napangiti si Adeline. Mukhang nagugustuhan na siya nito.

Matapos mag-ayos ay hinayaan na ni Adeline na bumaba si Dylan. Bumalik naman siya sa master bedroom at naabutan ang asawa na inaayos ang suot nitong puting long sleeves.

“Ayaw mo ng coat?” Tanong niya saka lumapit dito.

Umiling si Drake habang nakaupo sa wheelchair, “I’m fine wearing this. Ayusin mo nalang ang sarili mo.”

Tumango si Adeline at naupo sa harap ng vanity mirror. Nagsimula siyang maglagay ng light makeup at habang ginagawa niya iyon ay nararamdaman niya ang matamang titig ng kaniyang asawa.

Nakaramdam siya ng pagkailang pero pinilit niya ang sarili na umaktong normal. Pagkatapos magmakeup ay pumasok siya sa walk-in c