Chapter 28: Uncanny Resemblance

MATAPOS ang tahimik na almusal nina Adeline at Drake agad na niligpit ni Adeline ang pinagkainan. Bumaba siya at dinala sa kusina ang mga hugasin at naabutan niya si Aries na pumapasok sa mansyon.

Hindi ito pinansin ni Adeline. Muli siyang umakyat sa hagdanan nang bigla siyang tinawag ng lalaki.

“Adeline.”

Nagtiim-bagang si Adeline. Hanggang ngayon ay galit pa rin ang nararamdaman niya kapag naririnig ang boses ng lalaki.

Dahan-dahang siyang humarap at tiningnan ang mukha ni Aries. This man killed her baby and almost killed her. She had to get through so much because of him and Diana. Walang kapatawaran iyon.

“Si Drake? ‘Wag kang magsisinungaling. Alam kong gising na ang pinsan ko.”

Nagtaas ng noo si Adeline, “In our room. Resting.”

Kunot ang noo na nilagpasan siya ni Aries. Hinabol niya ng tingin ang lalaki. Bigla niyang naisip na hilahin ito at hayaang gumulong sa hagdan hanggang sa mamatay pero hindi iyon sapat sa kaniya.

Nagvibrate ang cellphone ni Adeline tanda na may tumatawag.