Chapter 27: Breakfast

BUMALIKWAS ng bangon si Adeline kinabukasan. Agad siyang napasapo ng ulo nang mahilo dahil sa biglaang pagbangon. Tumingin siya sa kalendaryo at napahinga ng maluwag nang mapagtantong weekend nga pala at walang pasok sa opisina at sa eskwelahan sina Sofia at Dylan.

“Ganito mo ba gampanan ang responsibilidad mo bilang asawa ko?”

Napatalon si Adeline nang may magsalita. Nasapo niya ang dibdib at tiningnan ang asawa na nasa kabilang kama. Nakaupo ito habang hawak ang isang libro. Suot ang reading glass ay kitang-kita ni Adeline kung gaano kaseryoso ang mukha ng asawa.

Napanganga siya. Bakit napakaguwapo nito lalo ngayong gising? Ang itim na mga mata nito ay tutok sa librong binabasa habang nakasandal sa headboard ng kama. Ang mga paa nitong natatabunan ng kumot ay nakaunat.

Hindi namalayan ni Adeline ang pagkatulala. Nasinok siya nang bigla siyang lingunin ng asawa habang kunot ang noo at marahas na inalis ang suot na salamin sa mata.

“What? Cat got your tongue?”

“Uh…” Napalunok si Adeli