Chapter 31: Relationship

MAAGANG gumising si Adeline kinabukasan. Inasikaso niya ang pagpasok nina Sofia at Dylan ngunit hindi na niya naihatid sa eskwelahan ang dalawang bata dahil inasikaso niya rin ang kaniyang asawa bago siya pumasok sa trabaho.

“Anong oras ka umuuwi?” tanong ni Drake habang inilalagay ni Adeline ang cellphone sa kaniyang bag.

“Hanggang tanghali lang ako palagi sa trabaho. Minsan ay ako ang sumusundo sa dalawang bata.”

Tumango si Drake, “Do you drive?”

Umiling si Adeline, “Hindi ako pinapayagan ng lolo mo. Nagpapahatid at nagpapasundo lang ako sa driver.”

“That’s good. Go on.”

Maliit na ngumiti si Adeline saka tinitigan muna ito bago tuluyang lumabas ng silid. Agad siyang dumiretso sa garahe at nagpahatid sa opisina.

Sinalubong siya ng mga kasamahan nang makapasok at sinabing ang design niya ang napili para ilaban sa fashion week. Tuwang-tuwa ang mga ito, hindi alam na siya ang magmanipula kay Diana upang design niya ang ilaban.

Alam niyang pandadaya ang ginawa niya pero kumpiyansa siya s