Chapter 23: Fight Back

MAAGANG pumasok sa opisina si Adeline ngunit hindi niya nakaligtaang ihatid sina Dylan at Sofia sa eskwelahan ng mga ito. Nang makapasok siya sa opisina ay natigilan siya dahil tahimik ang buong design department. Kahit si Diana, ang department head ay nakatayo at tahimik lang.

Sa gitna ng nakabibinging katahimikan ay umikot ang isang swivel chair at doon ay tumambad kay Adeline si Mrs. del Gallego. Prenteng nakaupo pero matalim ang tingin sa kaniya.

“Totoo ngang dito ka nagtatrabaho, Adeline. Ang kapal naman ng mukha mo.”

Nagtiim-bagang si Adeline. Wala siyang pakialam sa babae dahil wala naman itong atraso sa kaniya. Sa totoong Adeline ito may ginawang kasalanan pero dahil halos parehas dila ng dinanas ng totoong Adeline ay hindi niya mapigilang hindi mairita.

Tumayo ang ginang at humalukipkip habang naglalakad palapit sa kaniya. Nang tumigil ito sa tapat ng kaniyang mesa ay tiningnan nito ang kaniyang computer saka muling tumingin sa kaniya.

“Balita ko nangopya ka ng design sa kabi