Kabanata 2

BINUKSAN ko ang pintuan ng banyo ko at saka pumasok roon para maligo. Nang makapasok na, agad kong binuksan ang tubig. Hinubad ko na rin agad ang mga damit ko.

Naramdaman ko kaagad ang pinagsamang lamig at init na dumadaloy na ngayon sa buong katawan ko. Pumikit ako at dinama iyon. Nag isip isip ako ng mga bagay bagay para mawala sa isipan ko ang mga nangyari kanina.

Habang abala ako sa paglilinis sa katawan ko, nakarinig ako ng dalawang katok sa labas ng pintuan.

"Thara, Ija? Are you there?" rinig kong tawag ni Mommy. Tumango ako na para bang nakikita niya ako. Kinuha ko muna ang tuwalya na nakasabit malapit sa akin bago ako naglakad papalapit sa pintuan.

"Opo, bakit po?" tanong ko. Binuksan ko ang pintuan ng nakatapis. Bumungad agad sa akin ang malumanay na eskpresyon ni Mommy.

Ngumiti siya ng makita ako. "Nothing. Tapos ka na ba? Can we talk?"

Tumango ako kahit kakasimula ko pa lang maligo. Para kasing importante ang pag uusapan namin base sa reaksyon niya.

Naglakad kami papunta sa kama ko. Umupo ako roon at nakita kong ganon din ang ginawa ni Mommy. Humarap siya sa akin at saka hilaw na ngumiti.

"May problema po ba kayo?" tanong ko. May sakit ba siya?

Agad kong inilagay ang kanan kong kamay sa noo niya. Hindi naman mainit. Naramdaman kong kinuha ni Mommy ang kamay ko at saka inilagay sa pisngi niya. Tiningnan ko siya ng naguguluhan.

"Nag away ba kayo ni Daddy?" ulit kong tanong ng maging tahimik kami ng ilang segundo. Tiningnan niya ako ng seryoso bago napabuga ng hininga.

"Kaunting pikunan lang," sinabi nito at saka hinaplos haplos ang basa ko pang buhok.

"About...Allen.." agad akong naalerto ng banggitin ni Mommy ang pangalan na kanina ko pa gustong alisin sa isipan ko. Heck, bakit ba siya pumapasok sa isipan ko.

"W-What about him?" iniwas ko ang mga mata ko nang seryoso akong tiningnan ni Mommy.

"He's...He's mute. Alam mo 'yon, hindi ba?"

What?

"Mute? What do you mean...mute? Wala akong alam," sinabi ko. Totoo namang wala akong alam. Siguro, may napapansin pero hindi naman sapat iyon para malaman ko kung ano ang ibig sabihin ni Mommy.

"So...hindi mo alam?" umiling agad ako.

"Tell me, Mom. What do you mean by that? He is mute?" tanong ko. Umiling iling si Mommy sa akin at bigla nalang tumayo. Napakunot agad ang noo ko.

"I don't know kung tama ba iyong sinabi sa akin ni Fanio pero...Allen is mute. He can't speak. Hindi siya nakakapagsalita pero nakakarinig naman daw siya. Basta, Hindi ko alam kung ano ang tawag don." Then, may kinuha siyang cellphone sa kanyang bulsa at ipinakita iyon sa akin. May mga numero doon. Taka ko siyang tiningnan.

"Ano iyan?" tanong ko ng nakakunot ang noo. Kita ko ang pag awang ng kanyang labi. Maya maya pa, nagsalubong agad ang kanyang kilay.

"Really, Thara? Ano ba 'yan? Numbers 'yan, di ba? Copy this at ilagay mo sa contacts mo. Number iyan ni Allen. Pwede kayong mag usap ng mga bagay bagay d'yan. Goodness!" inis na inilagay ni Mommy ang cellphone niya sa gilid ko at saka naglakad palabas ng kuwarto ko na nakahawak sa kanyang noo.

Highblood?

***

UMAGANG UMAGA napakaingay! Bumangon ako sa pagkakahiga nang hindi ko na mapigilan ang inis. May nagtatawanan sa labas ng kuwarto ko. Hindi pa naman sound proof 'tong walang hiya kong kuwarto!

"Ano ba! May natutulog dito, oh!" sigaw ko, nakapikit pa ang kaliwang mata dahil sa antok. Walang trabaho ngayon kaya pwede akong matulog maghapon. Bwisit na number din kasi 'yan, e. Epal, hindi man lang nagreply.

"Thara? Gising ka na naman pala! Hali ka dito sa labas. Nandito sila King Stephen!" rinig kong sigaw ni Mommy sa labas.

King? Stephen? Sino 'yon?

"Ayoko!"

"Hoy, Babae! Bangon na! Ikakasal ka na! Woah!" panglalaki ang boses. Ngunit, hindi mawawala roon ang medyo kulot na tono.

"Baka sakal! Sakalin kita d'yan, e!" bumangon ako ng mainit ang ulo. Puyat ako kagabi sa walang kwentang dahilan.

Pumasok ako sa banyo ko at saka naligo roon. Pagkatapos ko maligo, kumuha ako ng mga komportableng damit na maisusuot ko.

Nakakabwisit.

Nagsuklay ako ng buhok ko na nakaharap sa salamin. Nang ang tagal matanggap ng suklay sa buhok ko dahil sa panggigigil, napasigaw nalang ako sa inis at saka padabog na lumabas ng kuwarto.

Bakit ba ako naiinis? Sino ba siya para magreply sa akin? Kakakilala pa lang namin, di ba?

Inis kong kinuha ang suklay sa buhok ko. Luminga linga ako kung may tao ba sa paligid. Wala. Umalis na ang nagtatawanan dito. Mabuti naman.

Bumaba ako sa hagdan namin kung saan papunta ang Dining room. Nang makababa na, rinig na rinig ko na agad mga tawanan ng mga aso. Mga bulldogs!

"Ija, Come join us. Nagluto ang pinsan mo at ang mga kaibigan niya." Napabaling agad ako kay Mommy ng siya ang unang nakapansin sa akin. Nakaupo siya malapit kay Daddy. Malapad ang lamesa at nasa unahan silang dalawa.

"Thara, My Precious!" napunta kay King ang atensyon ko ng sumigaw ito. Actually, Queen dapat. Bakit ba King ang pinangalan nila dito na parang Reyna naman ito kumilos.

"Huwag mo 'kong hawakan, you Imbecile." Irap at ekspresyon na pandidiri agad ang sinalubong ko sa kanya ng balak niya sana akong yakapin.

"Ay wow! Ayan na naman siya sa kanyang imbecile imbecile na 'yan!" maarteng sigaw niya gamit ang kulot na tono.

Hindi ko siya pinansin. Nag umpisa akong humakbang papunta sa malapad na lamesa. Umupo ako ng hindi pinapansin ang ibang nasa unahan ko. Hindi ko sila kilala at ayoko silang makilala. Mainit pa rin ang ulo ko sa ginawa ng weirdong 'yon!

"Gaga! Bakit hindi mo man lang sinabing ikakasal ka na, ha?" tanong ni Stephen ng makabalik siya sa kinauupuan niya malapit sa isang morenong lalaki. Hindi man lang ako natawa o nagulat sa joke niya. Sa pagmumukha niyang 'yan, alam mo na agad na joker 'yan.

"Kasi gusto ko surprise." Nakisabay nalang din ako sa trip niya. Ngunit, Maya-maya pa, nakarinig kami ng tunog ng kutsara at tinidor na halatang sinadya na magkaroon ng ingay sa pagkakahulog sa plato.

Liningon ko ng nakakunot ang noo ang kung sinong gunawa non. Ngunit, maling galaw iyon. At pinagsisisihan ko iyon. Hindi ko alam. Hindi ko talaga alam na nandito siya at kanina niya pa ako pinagmamasdan. Damn it! Hindi ko alam ang gagawin ko!

Ramdam ko na palipat lipat ng tingin sa amin ang mga taong nakapaligid sa lamesa. Ang inis na nararamdaman ko kanina ay napalitan na ngayon ng kaba. Napakadilim ng awra niya. Hindi ko alam kung ako lang ba ang nakakakita non. Ang mga mata niya, napakalalim.

Ni isa walang nagsalita. Walang ingay na nabuo nang gawin niya iyon. Nakatitig lang sa akin ang kulay abo niyang mga mata. Tumayo siya, doon na ako naalerto. Gusto kong magpaliwanag pero wala akong maisip na dahilan.

Tumayo din ako at saka siya may takot na tiningnan. At doon, bigla nalang lumambot ang ekspresyon niya. Nakita kong napayuko siya at medyo ginalaw galaw niya ang mga kamay niya.

Isang sulyap lang ang ginawa niya sa akin bago siya tumalikod at tumatakbong umalis. Gusto kong baliin ang mga paa ko kung bakit tumayo nalang iyon ng ganon.

Inaamin ko, gusto ko siyang sundan. Gusto ko siyang sundan ngunit bakit? Bakit gusto ko siyang sundan? Sino ba siya? Sino ba ako? Kilala ko pa ba ang sarili ko?

"U-Uhm, Mom, Dad...Mamaya nalang ako kakain. Inaantok pa po pala ako, e!" peke akong tumawa at napakamot sa ulo ng humarap ako sa kanila. Tiningnan ako ni Mommy na para bang may gustong sabihin. Nakita kong tumango siya at hilaw na ngumiti. Bumaling ako kay Daddy at nakita ko siyang tumango ng wala man lang karea-reaksyon.

Naglakad ako paputang pintuan kong saan patungo ito sa Living room, hindi man lang binigyan pansin ang ibang tao na kumakain rin sa lamesa.

Nang makalabas na, luminga linga agad ako sa paligid dahil sa pintuan rin na ito lumabas si Allen. Gusto ko siyang makita. Gusto kong makita ulit ang reaksyon niya. Gusto ko siyang tanungi kong bakit ganoon siya makapagreact.

Naglakad ako sa bahagi kung saan may malapit sa sofa na pintuan. Madaming CR sa bahay, sigurado akong CR din 'tong titingnan ko base sa kulay ng pintuan.

Habang naglalakad papasok, bigla akong nakarinig ng tubig na kakabukas pa lang. May tao sa loob?

Dahan-dahan kong pwinesto ang tainga ko sa pintuan ng banyo. Nakarinig agad ako ng mahinang d***g ng tao. May kiskis pa akong narinig na hula ko ay sa dingding iyon nanggagaling.

"M-May tao ba sa loob?" tanong ko. Naghintay ako ng ilang segundo ngunit wala akong natanggap na sagot. Napabuga ako ng hangin. Balak kong tingnan kung sino ang tao sa loob. Baka kasi tama ang hinala ko.

Hinawakan ko ang door knob ng pintuan. Akmang bubuksan ko na iyon...nang may nauna ng magbukas at iyon ang nasa loob. Napapikit ako dahil sa pagkakadabog ng pagkabukas. Dinilat ko ang mga mata ko at tiningnan kung sino ang nasa loob.

Allen.

Nakatayo siya roon at diretsong nakatingin sa mga mata ko. Parehas na parehas ng pagkakatitig niya sa akin kahapon. Iniwas ko kaagad ang paningin ko sa kanya.

"A-Ano'ng ginagawa mo rito? Bakit ka umalis d-don?" tanong ko habang nasa door knob ang tingin. Ayoko siyang tingnan. Para kasing...nahihiya ako.

Gusto kong ulitin iyong tanong ko pero sa pagkakataong ito, gusto ko na siyang tingnan. Ayokong magmukhang takot sa mga titig niya.

Huminga ako ng malalim bago dinilaan ang labi para magmukhang basa. Binalingan ko siya. Nakita kong ganon pa rin ang posisyon niya. Nakatayo siya at nakatitig pa rin sa akin. Napalunok ako ng hindi pa rin siya kumukurap. Diretso lang siyang nakatingin sa akin na para bang may nagawa akong kasalanan o kung anong dahilan kaya ganyan katalim ang tingin niya sa akin.

"G-Galit ka ba?" pilit kong pinapatapang ang boses ko. Gusto ko siyang tanungin kung bakit ganyan siya makatingin ngunit natatakot ako na baka dumilim na naman ang ekspresyon niya. Gusto ko man ulit iyon makita, natatakot pa rin ako na baka galit siya at nasaktan ko siya sa sinabi ko kaninang kasal.

Assumera na ba ako? Siguro nga.

"S-Sorry," sinabi ko ng nakatingin sa kanyang matalim na mga mata. Nakita kong ginalaw niya ang kanan niyang kamay. Naguluhan ako dahil may itinuro siya sa kanyang gilid.

Itinaas niya ang isa niya pang kamay which is ang kaliwa, inilahad niya iyon sa akin. Nagulat man, tinanggap ko pa rin iyon. Nakita kong lumambot agad ang kanyang mukha. Sa ikatlong pagkakataon, nakita kong dahan dahan tumaas ang gilid ng kanyang labi at saka masayang nakatingin sa akin.

Heck, pinagpapawisan ako. Humakbang ako papasok sa banyo ng nakatingin pa rin sa masaya niyang ekspresyon. Nang, makapasok na. Doon na ako naalerto. Kami lang dalawa sa banyo. Pilit ko man palinisin ang utak ko, hindi ko magawa. Hindi naman ako inosente para hindi mag isip ng mga maduming bagay.

Gosh, ano ba 'tong mga pumapasok sa utak ko.

Tiningnan ko si Allen. Agad, nawala ang kulay sa mukha ko dahil sa lapit ng katawan niya sa katawan ko. Mas lalo pa akong nabigla ng ilapit niya pa iyon. Tiningnan ko siya. Nakangiti pa din siya at mukhang nasisiyahan sa ginagawa niya.

"A-Allen..." tawag ko sa kanya ng kaunting galaw niya nalang ay magdidikit na ang mga balat namin. Muntik pa akong mawalan ng balanse. Mabuti nalang at nahawakan kaagad ni Allen ang bewang ko bago ako isinandal sa pintuan ng banyo.

Ilang segundo ang lumipas ng ganoon pa din ang posisyon namin. Hanggang sa nakaramdam ako ng kiliti malapit sa bewang ko. Kamay iyon ni Allen, alam ko. Hinahaplos niya ng pabilog ang gilid ng bewang ko dahilan para makaramdam ako ng kaunting kiliti.

"A-Allen...A-Ano ba..." mahina ko lang iyon na bulong sa kanya. Baka kasi magalit siya. At saka, inaamin ko naman na medyo ayos lang ang ginagawa niya sa akin. Hindi man lang ako nakaramdam ng inis o galit. Parang...okay lang at nasa isip ko na normal lang naman iyan.

Normal ba talaga?