Kabanata 6

"SIGURADO ka bang ayos lang ang suot ko, Mie?" tanong ko kay Mommy habang umiikot na nakatingin sa malaking salamin ng kuwarto nila Daddy.

Dalawang araw na ang nakalipas simula noong bumisita sila ni Allen sa bahay. Gusto kong sumama ngayon kila Mommy dahil may mahalaga akong itatanong sa may ari ng kulay abong mga mata. Letse na 'yon! Hindi ako pinatulog ng dalawang araw!

Nang bumalik kasi akong opisina ni Daddy para sana silipin kung nandoon pa ba siya, may nakita akong papel malayo layo sa pintuan ng opisina. Doon ko lang naalala na may ibinigay palang papel sa akin non si Allen. Dahil siguro sa pagmamadali ko, nahulog ko 'yong papel.

Hay nako, naiinis ako!

Bakit ba iyon ang isinulat niya don? Ano niya ba ako?

"Oo nga! You look cute." Tiningnan ko si Mommy. Nakangiti siya habang nakatingin sa puting dress na suot ko.

Agad napunta ang atensyon ko sa cellphone ko nang sandali itong nag ingay. Nasa harapan lang ng kama ito nakalagay. Malapit lang kami sa kama kaya rinig na rinig agad namin. Naramdaman kong napatingin din si Mommy roon. Naglakad ako papalapit sa kama at saka kinuha ang cellphone para tingnan kung sino ang nagpadala ng mensahe.

Si Luis.

Luis:

Hey, Are you free tonight? Kain tayo.

Agad naging pato ang bibig ko nang mabasa ang mensahe niya. So, nakabalik na nga talaga siya. Hindi man lang nagsabi.

Me:

Ayoko.

Binitawan ko ang cellphone ng sadya dahilan para mahulog ito sa malambot na kama. Nakakagigil!

"Hey...iyan ba ang susuotin mo?" napabaling ako kay Mommy. Tumango ako at saka ngumiti.

Ito nalang ang susuotin ko. Hindi naman yata 'to madaling mapunit-

"Gosh." Umiling iling ako. Bakit ba iyon pa rin ang nasa isip ko? Heck, sarap samapalin ng Allen na 'yon.

"Thara...ayos ka lang?" nanlaki agad ang mga mata ko nang magsalita si Mommy sa harap ko. Iiling na sana ako nang tumango nalang bigla ang ulo ko.

Okay, baliw na nga ako.

Nakarinig ako ng mahinang tawa. Napatingin ako kay Mommy at nakita ko siyang natatawang napailing iling.

"Thank God, you're back, Thara. Miss na miss ko na 'yang kabaliwan mo." Napakurap kurap muna ako bago unti unting ngumiti sa sinabi ni Mommy. Hindi ko alam kung joke ba 'yon o kung ano. Kasi, hindi naman ako baliw. I'm normal.

Niyakap ako ni Mommy kaya napayakap nalang din ako pabalik.

"Uhm..Thara? Sure ka ba talagang sasama ka sa amin? K-Kasi...Alam mo naman na alam na ng iba ang ginawa sayo ng isang Holmes." Tiningnan ako ni Mommy sa mata. Iniwas ko kaagad ang paningin ko sa kanya.

"Sinabi naman ni Daddy na hindi talaga gagawin iyon ni Allen, di ba? At saka, w-wala namang nangyari sa amin, Mie." May kung ano akong emosyon na pilit kong hindi dinaramdam para hindi mapansin ni Mommy.

Ayokong mag isip ng kung anong madumi.

"O-Okay...Wala naman talaga sa plano na may mangyayari sa inyo. Don't worry. Hindi na iyon mangyayari ulit, hmm?" Hinaplos ni Mommy ang pisngi ko gamit ang dalawa niyang kamay. Tiningnan niya ako at saka nginitian. Pilit ko siyang nginitian bago niyakap para hindi niya makita ang bumubuong ekspresyon sa mukha ko.

Naging mabilis ang oras. Gabi na nang matapos kaming mag ayos ni Mommy. Anniversary ng mag asawang Holmes. Not sure kung parents ba ni Allen. Madami kasing lalaking Holmes sa pamilya nila, kaya napakadami nilang magkapamilya.

I don't know kung kaninong parents. At saka, hindi naman ako sasama para sa Party. Pupunta ako roon para isauli ang singsing na ilang araw na palang nasa daliri ko. At tanungin na rin si Allen kung ano ang ibig niyang sabihin sa kasal na isinulat niya sa papel.

"Are you ready?" rinig kong tanong ni Mommy sa likuran ko. Tiningnan ko sa malaking salamin ang kabuhuan ko. Agad akong napangiti nang makita kung gaano ako kaganda.

Wala namang masama sa pagiging mahangin, di ba? Nagsasabi lang naman ako ng totoo. At saka, wala naman akong tinatapakang tao.

"Sa tingin mo, Mie. Sobrang ganda ko ba?" tanong ko. Nilingon ko si Mommy nang nakataas ang dalawang pares ng kilay.

Nakita ko siyang nakangiti habang nakatingin sa naghihintay kong mukha.

"Oo. Kanino ka pa ba magmamana ng kagandahan? Alangan naman hindi ako magsabi ng totoo. Parang trinaydor ko na din ang sarili ko," sinabi ni Mommy sabay tawa ng mahina. Nakatingin lang ako sa kanya ng may magandang kurba sa labi.

May pinagmanahan pala talaga.

Ibinaling ko pabalik ang sarili ko sa salamin. Ano kaya ang papasok sa isip niya kapag nagkita kami at makita niya ang suot ko?

Napailing iling agad ako at saka sinalubong ang dalawang kilay. Bumuga ako ng hangin. Tiningnan ko ang daliri kong may singsing at itinaas iyon malapit sa mukha ko para makita ng buo sa salamin. Tiningnan ko ulit ang singsing.

Napakaganda.

Natigil ako sa pagtitig sa singsing nang may magsalita sa pintuan. Si Daddy. Pinapasok siya ni Mommy sa kuwarto. Kaya pala wala na akong maramdaman na presensya sa likod ko kanina.

"Are you both done? Nasa labas na si Faxon." Nilingon ako ni Daddy at nakita ko agad ang ngiti sa labi niya nang tingnan niya ang kabuhuan ko. Ngayon ko lang ulit nasilayan ang ngiti niyang 'yan.

"You look good, Anthara." Agad akong napangiti nang sabihin iyon ni Daddy.

"Thank you. You too, Dad. Bagay po sa inyo 'yang dark grey suit...and you too, Mie. You look gorgeous." Ngiti lang ang natanggap ko kay Daddy habang si Mommy naman ay natawa pa at napailing iling habang nakatingin sa akin.

"Let's go?" tumango ako at saka kumapit sa nakalahad na braso ni Daddy. Nakita ko rin na kumapit rin si Mommy sa kabila kaya napangiti akong nakatingin sa kanya.

Naglakad kami papalabas ng bahay. Even though sobrang laki nito, mas gusto kong tawag dito ay bahay. Ayokong maging masyadong sosyal. Para ka daw maarte kapag ganoon.

Nakita kong may maganda at malapad na kotse nang ilang hakbang nalang ay makakalabas na kami ng bahay. May taong nakatayo pero nakayuko roon. Kung titingnan, medyo mahaba ang buhok nito. Kulay itim ang kanyang buhok. Nakapangpormal rin siyang suot.

Nang tiningnan nito kung sino ang paparating, doon ko lang nakita ang mukha niya. Humarap sa amin ang mukhang teacher na pinsan ni Allen at saka ngumiti na bumati kila Mommy at Daddy.

So, siya si Faxon?

"Good Evening, Miss Thara." Tipid na ngiti lang ang isinauli ko sa masaya niyang ekspresyon.

"Anthara, This is Faxon. Isa siya sa mga bumisita sa atin noong nakaraang araw." Tinanguan ko kaagad si Daddy ng ipakilala niya sa akin si Faxon.

Hindi na siya mukhang teacher ngayon. Napakapormal na ngayon ng suot niya at bumagay iyon sa klase ng gupit ng buhok niya.

"Pasok na po tayo?" ilang segundo ang nawala bago ulit may nagsalita. Si Faxon. Pinapasok niya kami sa loob ng magarang kotse bago siya sumunod sa pagpasok. Nakita kong may agad na pumasok rin na tao sa may driver seat.

Naramdaman ko kaagad ang paggalaw ng kotse. Napatingin ako sa gilid ko ng may naramdaman akong mata na nakatingin sa akin.

"Bakit?" tanong ko kay Faxon nang lumingon ako sa mga mata niyang kanina pa ako pinagmamasdan.

Umiling iling siya at saka ngumiti. "Are you wearing make up?" tanong niya.

"H-Hindi. Hindi ako marunong non, e. Powder lang ang inilagay ko sa mukha ko." Napalunok ako matapos kong masagot ang tanong niya. Nakita ko siyang tumango tango at saka ako ulit nginitian.

Pilit ko siyang nginitian dahil sa ka-awkwardan na nangyayari sa amin. Sa bintana ng kotse nalang ako tumingin para maiwasan ang mga tanong niya. Nasa likod namin sila Mommy. Hindi nila kami naririnig dahil may kanya din silang pinag uusapan ni Daddy.

"Close kayo ni Allen?" hindi ko siya nilingon ngunit nagulat ako sa tanong niya. Gusto kong tumango ngunit parang napaka ilusyonada ko na para gawin iyon.

"H-Hindi ko alam, e..." iyan lang ang naisagot ko.

"Hmm...Nga pala. Bakit ganon ka makatingin sa akin nong bumisita kami sa inyo?" tanong niya dahilan para mapasinghap ako. Whatttt? Nakatalikod siya noong nakatingin ako sa kanya, ah!

Hindi ako nagsalita. Nakaupo lang ako habang inaalala ang pagkakatitig ko kay Faxon at pagkakataas ng kilay ni Allen nang makita niyang kay Faxon ang mga mata ko.

Kahit sa tanong pa ni Faxon, naaalala ko pa rin siya. Letse, kapag ako nabaliw, siya talaga sisisihin ko. Siya una kong sasabunutan.

"Oh...wala kang explaination don?" nabigla ako ng napakalapit na ng boses ni Faxon sa tainga ko. Napalunok ako at nag isip ng sasabihin.

"Uh...h-hindi naman ikaw 'yong tinitingnan ko non," sinabi ko. Napapikit ako ng marinig ang mahina niyang tawa malapit sa tainga ko.

Bakit ba sobrang lapit niya?

"Sorry...nabigla ba kita?" tanong niya sabay halakhak. Naramdaman kong medyo lumayo na siya sa akin.

Napabuga ako ng hangin dahil sa kadaldalan niya. Ayokong sobrang lapit ng tao sa akin. Lalo na kapag hinahawakan ako.

Naramdaman kong huminto ang sinasakyan naming sasakyan. Huminto kami sa isang napakalaking bahay-I mean, mansyon. Nakita kong lumabas ng sasakyan iyong nagdrive sa amin. Sinundan ko lang kung saan siya patungo. Naglakad siya papasok sa loob ng mansyon at ilang segundo pa ang lumipas, hindi na siya bumalik.

"Hey...galit ka ba?" rinig kong tanong ng nasa gilid ko. Kanina niya pa ako tinatanong kung napikon daw ba ako sa paglapit niya sa akin.

Hindi ko talaga lubos maisip na ganito pala kadaldal ang lalaking 'to. Kasi, noong nasa bahay sila namin, mukha talaga siyang masungit at minsan lang nagsasalita.

"Anthara, Anak?" agad akong napatingin sa likuran ko ng magsalita roon si Mommy. "Pumasok na kayo ni Faxon sa loob. Baka naghihintay na ang mga magulang niya sa kanya." Nginitian ako ni Mommy at nakita kung tiningnan niya si Daddy.

"Oh, no, Tita. Hindi ako hahanapin ng mga 'yon. We can go inside. Pero kung gusto ni Thara na maglibot libot muna sa loob, I can tour her naman." Lumingon ko ng nakakunot ang noo si Faxon nang bigla nalang siyang sumabat. Ngingiti niya lang ako na sinulyapan bago humarap sa pintuan ng kotse. Nakita kong binuksan niya iyon at saka agad na lumabas.

Nakarinig ako ng mahinang tawa sa likod. Liningon ko si Mommy at nakita ko siyang umiiling na nakatingin sa nakatalikod na si Faxon.

"He's a good guy, Thara. He won't hurt you. Don't worry, hindi ka niya hahawakan," sinabi ni Mommy habang may ngiti sa labi.

Lumabas ako ng kotse ng nakakunot ang noo dahil bigla nalang nawala si Faxon.

Nang hahanapin ko na sana si Faxon, napabaling muna ako kay Daddy ng magsalita siya habang nakaupo pa rin sa tabi ni Mommy sa loob ng kotse.

"Be careful, Anthara." Tumango ako sa habilin ni Daddy sa akin. Nakita kong tumango rin siya at saka sinarado ang pinto ng kotse. Nakita kong may pumasok agad na ibang lalaki sa loob ng sinasakyan nila. Umandar ang kotse. Ilang segundo, nakita kong nasa ibang gate ng mansyon pumason ang kotseng sinasakyan nila Mommy.

Ano'ng gate iyon?

Tumalikod na ako para sana hanapin si Faxon. Ngunit, nang hahanapin ko na sana siya, may nakita akong babaeng natatawang naglalakad papasok din sa loob ng mansyon. May kasama siyang matangkad na lalaki na ang hinala ko ay si Faxon.

Nakakapit ang isa niyang kamay sa bewang ng babae. Malapit lang ang bibig niya sa tainga nito at parang may ibinubulong bulong siya ditong dahilan para matawa ang babae.

Whattttt theeee heckkkkk?

Iniwas ko kaagad ang paningin ko sa kanila nang maglakad sila ng dire-diretso papasok sa loob ng mansyon.

Bwisit, akala ko ba ililibot niya ako sa loob?

"Thank God you're here." Agad na nanlaki ang mga mata ko nang makarinig ng malambing na boses banda sa may likuran ko. Dahan dahan akong humarap sa may ari ng boses. Kilalang kilala ko ang may ari nito.

Si Luis.

Nakita ko siyang nakatayo malapit sa isang magarang kotse. Nakangiti siya at medyo pagod na nakatingin sa akin. Halos takbuhin ko na ang paglapit sa kanya nang ibinuka niya ang mga braso niya na para bang inuutusan akong yakapin ko siya.

Nang malapit na ako sa kinatatayuan niya, gusto kong tanungin ng ilang tanong ang mga paa ko kung bakit ang nga ito tumigil dahil lang sa presensya ng lalaking may kulay abong mga mata na ngayon ay matalim na nakamasid sa akin.

Allen.

Nasa ika apat na kotse si Allen. Nakaparking ang kotseng sinasakyan niya katabi ng kotse ni Luis. Nakita ko pang may tao rin sa loob ng kotse niya. Ngunit, hindi ko masyadong makita kung ano o sino ang katabi niya.

"Hey, hindi mo man lang ba ako yayakapin? Natatakot ka pa rin ba na mahawakan?" rinig kong tanong ni Luis sa akin. Hindi ako makabaling ng tingin kay Luis. Hindi ko alam kung bakit. Napakatalim ng titig niya. Parang tinitingnan niya kung may gagawin ba akong mali.

Aatras na sana ako kay Luis nang bubuksan na sana ni Allen ang kotse niya para makalabas, ngunit nang makita kong ang kasama niya sa loob ng kotse niya ay isang babae, napahinto agad ako. Mahaba ang buhok nito at maputi. Sobrang lapit nila sa isa't isa dahil sumilip ang babae sa bintana ng kotse.

Agad na napakunot ang noo ko. Naguguluhan na nakatingin sa pikon niyang mukha ang babae. Habang siya ay magkasalubong ang kilay na nakamasid sa amin ni Luis.

Hindi ko alam na mahilig din pala sa babae si Allen.