Kabanata 3

"A-ALLEN..." napasinghap ako ng inalis niya kaagad ang kamay niya na nakahawak ng mahigpit sa bewang ko. Dahilan iyon para mawalan ako ng balanse at muntik na namang matumba. Mabuti nalang at napahawak ako sa braso niyang...matigas?

Bakit ang tigas?

Inialis ko iyon sa isipan ko. Sa malaki at mukhang matigas pa lang na katawan ni Allen, halata ng naggy-gym siya.

"B-Bakit?" tanong ko ng makita ang pikon niyang mukha. Nakita kong inayos niya ang tayo niya at saka humarap sa gilid niya. Seryoso niya iyong tinitingnan. Ano bang meron d'yan? Toilet bowl lang naman nakalagay d'yan, ah?

Tiningnan ko siya ng naguguluhan. Gusto kong magtanong kung bakit bigla niya nalang akong binitawan. Narealize niya ba na mali ang ginagawa niya? Nagui-guilty ba siya sa pagkakahawak ng kamay niya sa bewang ko?

Tumikhim ako at tiningnan siya ulit. Kating kati na ang bibig ko na magtanong. Wala kasing isa man lang na nagsalita sa amin nang binitawan niya agad ako kanina.

"A-Allen?" kinagat ko agad ang pang ibabang labi ko nang tawagin ko siya. Inayos ko ang tayo ko at saka sinulyapan ang kamay niya. Nagbabakasakali na ginalaw galaw niya iyon.

"A-Allen...ano paborito mong pagkain?" isang malutong na mura sa sarili ko ang gusto kong isigaw. What the fugde! Bakit 'yon ang tinanong ko!!

Naghintay ako ng magiging reaksyon niya. Napapikit pa 'ko na baka hindi niya nagustuhan ang tanong ko.

Tiningnan ko siya. Nakita kong nakatayo pa rin siya sa pwesto niya at seryoso pa rin ang mukha na nakatingin sa gilid.

Ano ba'ng tinitingnan niya?

Dahan dahan kong hinakbang ang mga paa ko. Hindi pa rin nawawala ang kaba sa sistema ko. Kagat kagat ko pa rin ang pang ibabang labi ko.

Natigil lang ako sa paghakbang ng tumingin sa akin ang abo niyang mga mata. Nakita kong humarap siya sa akin at nagulat ako sa sunod niyang ginawa, kinuha niya ang kanan kong kamay bago ako kinaladkad kung saan siya nakatayo. Iniharap niya ako sa kanina niya pa tinitingnan.

"Help..." unang basa ko sa unang salitang nakalagay sa dingding malapit sa Toilet Bowl na may harang.

"Me...Thara?" tiningnan ko siya ng naguguluhan. Hindi man lang siya lumingon sa akin. Imbis, binitawan niya ang kamay ko. Nakita kong may kinuha siyang bagay sa kanyang bulsa. Ipinakita niya iyon sa akin.

Cellphone?

May pinindot pindot siya roon at ilang segundo pa bago niya ulit ipinakita sa akin.

'Let's go somewhere.'

Ha?

Tiningnan ko siya. Nakita kong iniwas niya ang tingin niya sa akin. Ginalaw galaw niya ang kamay niya. Hindi ko alam kung ano'ng ibig niyang sabihin sa galaw niyang iyan. Itinaas niya ang kaliwa niyang kamay at saka itinuro ang taas.

Ano daw?

Kinuha niya ang kamay ko. Napatingin ako doon. Naramdaman kong napatingin siya sa akin at sinundan kung saan ako nakatingin. Napalunok ako.

Kinagat ko ang pang ibabang labi ko bago siya sinulyapan. Hindi ko alam pero basta nalang ako tumango. Naging dahilan iyon ng pagkangiti ko nang tumaas ang gilid ng labi niya.

Napangiti ko ba siya?

Agad akong napasunod sa kanya nang hilahin niya ang kamay ko. Nakita kong lumabas kami ng CR. Nakarinig pa kami ng tawanan papalapit na papalapit sa Living room.

Nakita kong napatingin siya sa isang hagdan kong saan papunta ang kuwarto ko. May hagdan papuntang Living room at may hagdan din papuntang Dining room.

"S-Saan tayo?" tanong ko. Agad niya akong tiningnan. Seryoso ang mukha niya. Nakita kong napatingin siya sa ilong at labi ko bago umiwas ng tingin. Kinagat ko ang pang ibabang labi ko. Naramdaman kong pinisil pisil niya ang kamay ko dahilan para madiinan ko ang pagkagat ng labi ko.

Bwisit, ang sakit!

Tumakbo siya papuntang hagdan. Napatakbo din ako. Dali dali niya iyong inakyat habang sinusulyapan ako. Tinitingnan niya siguro kung nakasunod ba ako.

Nang makaakyat na, ramdam ko na kaagad ang pawis na nabubuo sa noo ko.

Ang bilis niya.

Hinarap niya ako. Nakita kong kinagat niya ang pang ibabang labi niya habang nakatingin sa labi ko. Iniwas niya agad ang tingin niya ng itinigil ko ang pagkagat ko sa labi ko. Alam kong pulang pula na iyon dahil sa kagat ko.

May kinuha siyang cellphone sa kanyang bulsa. May pinindot pindot siya roon bago iyon inilahad sa akin.

'Where's your room? Doon tayo mag usap.'

Napabaling ako sa kanya nang mabasa ang mga salita na nakalarawan sa cellphone niya.

"D-Doon..." turo ko sa ikalimang kuwarto na makikita lang sa bahagi na kinatatayuan namin. Tumango tango siyang nakasunod sa nakaturo kong daliri.

Kinuha niya ang cellphone niyang hawak ko at saka ulit hinawakan ang kamay ko. Nahihiyang napayuko ako bago kinagat ulit ang pang ibabang labi ko.

Naglakad siya na hawak ang kamay ko sa itinuro kong bahagi ng kuwarto ko. Nahihiya ako sa sarili ko. Lalo na sa kanya.

Nang nasa harap na ng kuwarto, tumingin siya sa akin at sa magkahawak naming mga kamay. Tiningnan ko siya. Nakita kong sinulyapan niya ulit ako at sa hindi malamang dahilan, gusto kong sumigaw nang tumaas ulit ang gilid ng labi niya.

Huwag ka ngang ngumiti ng ganyan!

Napayuko ako dahil sa hiya. "Isang ngiti mo pa, kakainin talaga kita ng buo," bulong ko, sinisigurado na hindi niya iyon maririnig.

Nakita kong binuksan niya ang pintuan ng kuwarto ko. Tumingin ako sa kanya. Napaiwas agad ako ng tingin nang tumingin din sa akin ang kulay abo niyang mga mata.

Pumasok kami sa loob ng kuwarto ko. Napalunok pa ako dahil magulong kama agad ang bumungad sa amin. Tinatamad ako kanina kaya hindi ko naayos. Tiningnan ko siya, wala man lang siyang karea-reaksyon nang makita ang magulo kong kama.

Nakarinig ako ng pagsarado ng pinto. Nilingon ko iyon at nakita ang kamay ni Allen doon. Siya ang nagsarado.

Bakit parang...parang sa pelikula lang? Tapos, didilim ang paligid matapos masarado ang-

"Bwisit," nasabi ko sa sarili ko. Ano ba 'yan!

Napabaling ako kay Allen nang maramdaman ko ang kamay niya na pinipisil ang kamay ko. Napatingin din ako sa magkahawak naming kamay.

Ulit ko siyang tiningnan nang hindi pa rin siya tumitigil na pisilin ang kamay ko. Nakatingin lang siya sa mga gamit ko. Seryoso siya. Para bang may tinitingnan siya sa mga gamit kong magulo malapit sa kama.

May hinahanap ba siya?

"Allen?" agad kong naitikom ang bibig ko nang lumingon agad siya sa akin. Napakunot ang noo niya ng mapansin ako.

"U-Uhm, bakit tayo n-nandito?" tanong ko.

Nakita kong napatingin siya sa suot ko. Nakatitig lang siya doon ng ilang segundo.

Ano'ng....

"A-Allen...bakit?" tiningnan ko din ang damit ko banda sa may dibdib kung saan siya nakatingin. Agad niyang iniwas ang paningin niya doon. Naguguluhan man, pilit kong nilinisan ang utak ko.

Sumunod ako sa kanya nang magkalad siya papalapit sa magulo kong kama. Huminto siya at nilingon ako. Agad na bumalik ang hiya ko nang tumingin siya ng diretso sa mga mata ko. Ginalaw niya ang mga kamay niya at ang huli kong matandaan na galaw niya ay inilahad niya ang kanan niyang kamay sa harap ko bago itinuro ang ikaapat niyang daliri sa kanan.

May kinuha siya sa kanyang bulsa bago iyon ipinasok sa ikaapat niyang daliri. Nagulat pa ako dahil singsing ang ipinasok niya roon.

Napatingin ako sa kanya. Nakita kong may kislap sa mga mata niya nang tumingin din siya sa akin. Napalunok ako. Tumaas ang gilid ng labi niya at saka kinuha ang kamay ko. Ulit, may kinuha siya sa kanyang bulsa at sa pagkakataong ito, may hinala na ako.

May kinuha siya roon na singsing. Kaparehas na kaparehas ng singsing na nasa ikaapat niyang daliri. Kinakabahan na hinintay kong ipasok niya iyon sa daliri ko.

Tiningnan niya muna ako. Tiningnan ko rin siya. Gusto kong magsalita pero parang hangin lang ang lalabas sa bibig ko kapag ginawa ko iyon.

Dahan-dahan niyang ipinasok ang singsing sa ikaapat ko ding daliri. Napasinghap man dahil sa ganda ng singsing, nagtataka pa rin akong tumingin sa kanya.

Kinuha niya ang kanyang cellphone at may pinindot pindot doon. Ipinakita niya iyon agad sa akin.

'Help. I need your help, Thara.'

"A-Anong tulong ang sinasabi mo?" tanong ko nang mabasa ko ang inilagay niya roon.

Binitawan niya ang kamay ko. Napalunok agad ako. Ginalaw niya ang isa niyang kamay papunta sa bewang ko. Napasinghap ako.

"A-Ano'ng ginagawa mo..." kinakabahan ko siyang tiningnan. Nagulat ako dahil parang mas kinakabahan pa siya sa ginagawa niya kaysa sa nararamdaman ko.

Kitang kita ko kung paano niya pinunit ang damit ko. Ginamit niya na din ang isa niyang kamay sa pagpunit ng damit ko. Tiningnan niya ako ng may pagsisisi. Hindi ako makatingin sa kanya. Halo halong emosyon ang nararamdaman ko.

Hinawakan niya ako sa pisngi. Halos hindi ako makagalaw nang maramdaman ko ang lambot ng labi niya sa pisngi ko. Isang sulyap pa ang ginawa niya bago ulit tinuloy ang pagpunit ng damit ko.

"A-Allen..." tawag ko sa kanya ng kaunting punit niya na lang ay makikita na ang balat ko. Malapit na din bumagsak ang mga luha ko.

Tiningnan niya ako. Nakikita ko sa mga mata niya ang pagsisisi. Ngunit, hindi niya magawang tumigil sa hindi ko malamang dahilan.

Naramdaman kong iniupo niya ako sa kama. Tiningnan ko siya at saka naiiyak na umiling. Ngumiti siya. Agad na nawala ang kaba na nararamdaman ko dahil lang sa isang ngiti niya.

Inihiga niya ako ng dahan dahan. Pumaibabaw siya sa akin at saka hinaplos ang pisngi ko. Basang basa na iyon dahil sa mga luhang kanina pa pala tumakas sa mga mata ko.

Ilang segundo ang lumipas, nakarinig kami ng malalakas na katok sa labas ng kuwarto ko.

"Thara! Thara! Nand'yan ka ba?! Nad'yan din ba 'yang manyak na 'yan?! Thara, buksan mo ang pinto!" sigaw ng sigaw ang nasa labas. Boses pa lang, alam ko na si Stephen iyon. May mga boses pa akong naririnig na halos mga salita ay mura.

"A-Allen..." tiningnan ko si Allen. Umiling siya at saka umalis sa ibabaw ko. Seryoso niya muna akong tiningnan bago inumpisahan niyang hubarin ang damit niya sa pang itaas. Hanggang sa matanggal na iyon. Agad niya akong sinulyapan. Nong una, akala ko huhubadin niya na rin ang pang ibaba niyang damit, ngunit nagulat nalang ako ng tumalikod siya sa akin at agad na naglakad papuntang pintuan.

Dali dali kong kinuha ang mga damit kong punit na punit na. Pilit ko iyong idinidikit sa katawan ko. Ginamit ko ang isa kong kamay na pahiran ang mga luha ko.

"Thara! Tatawag kami ng pulis! Huwag kang mag ala-Ikaw!" agad akong napatingin sa bukas ng pintuan ng kuwarto ko.

Nakita ko roon si Allen na nakahiga at hawak ang kanyang labi. Si Stephen na nasa ibabaw niya at pilit siyang pinapaharap. Nakita ko din ang mga taong kasama namin kanina. Mga kaibigan ito ni Stephen. Nakatingin sila sa akin ng gulat. Ang iba parang napaatras.

Naiiyak na napatabon ako sa mukha ko. Narinig ko kaagad ang malakas na sigaw nila Mommy nang tuloy na tuloy ng umagos ang mga luha ko.

Narinig ko pang inaawat nila si Stephen dahil mura ito ng mura.

Naramdaman ko nalang na may yumakap na sa nanginginig kong katawan. Hindi man lang ako tumingin kung sino ang may gawa non.