KABANATA 6

‘Businessman si James at kayang niyang maghandle ng kahit na anong problema na pinagdadaanan ng kompanya. Pero ito lang ang unang beses na makita ko siyang takot na takot.’

Nababakas sa mga mata ni James ang takot at pagkataranta, ni hindi niya na isip si Alexa na kanina ay nasaktan din mula sa pagkakabangga sa nguso ng kotse nila. Bakit ganoon na lamang ang pag-aalala niya kay Ivy?

Hindi na namalayan ni Alex ang pagbuhat ni James kay Ivy papasok ng kotse.

“Oliver pumasok ka na rin ng kotse. Doon ka sa kabilang pinto dumaan.” Utos ni James sa kapatid ni Ivy bago nilingon ang nakatulalang fiance.

“Alex, ikaw na magmaneho.” Utos ni James na ikinalingon ni Alex.

Nakita niyang nakasandal ang babae sa balikat ni James na ni minsan di niya magawa kahit noong nagkasakit siya. Tila ba may tumusok sa kanyang dibdib. ‘Kung saamin kaya ng anak niya nangyari ang lahat ng ito, ganito din kaya ang reaksyon niya?’ Tanong niya sa isip.

“Alex!” sigaw ni James na nagpabalik sa kanya mula sa malalim na pag iisip.

Nilapitan naman ni Oliver si Alex nang makitang di parin ito gumagalaw. Bayolenteng hinatak ang braso ni Alex dahilan upang mapaaray ito.

“Kapag may mangyaring masama sa kapatid ko at sa anak ka mananagot ka sakin.” Pagbabanta nito.

Sa inis ni Alex ay nag-angat siya ang kanyang kamay at sinampal si Oliver. “Huwag mo akong hahawakan,” may gigil sa kanyang tono habang nag-iingit ang mga mata sa galit.

Nagmarka naman ang kamay ni Alex sa pisngi ni Oliver na nagpagulat sa dalawang taong nakasakay na sa kotse. Nagmadaling bumaba si James para awatin ang dalawa.

Samantalang nag-igting ng panga si Oliver ang mga mata’y umaapoy sa galit. “Bwiset kang babae ka!” Napapikit na lamang si Alex dahil nag-angat ng kabilang kamay ang binata at aaktong sasaktan siya, ngunit ilang minuto ang lumipas ay walang kamaong dumapo sa kanyang mukha. Pag dilat niya ng kanyang mga mata, ay nanatiling naka-angat ang kamay ni Oliver ngunit ito ay hawak na ni James.

“Subukan mong saktan ang asawa ko… Papakulong kita, at sisiguraduhin kong di ka makakalabas ng kulungan.” banta ni James bago niya bitawan ang kamay ng lalaking gustong manakit kay Alex.

“James,” pabulong na sabi ni Alex.

Hindi inakala ni Alex na ipagtatanggol siya ng kanyang nobyo. At sinabi pa niya na siya ay kanyang asawa. Ang kaninang lungkot, sakit at pagkalitong naramdaman ay napawi nang dahil lamang sa salitang, “asawa”

Si Oliver naman ay nang dahil sa galit, ay umalis na lamang ito. Samantalang nagkunot ng noo si Ivy habang hawak hawak ang kanyang kamay.

“James, ang tyan ko sumasakit. Kailangan mo na akong dalhin sa ospital.” Sabi niya ng may panginginig ang kanyang boses.

Napatingin naman si Alex at James kay Ivy. “Mamaya ipapaliwanag ko ang lahat. Magtiwala ka lang sa akin. Okay?”

Tumango na lamang si Alex at sumunod na sa kotse. Pinagbuksan ni James si Alex ng pinto ng kotse, kung saan nakaupo si Ivy. “Pakialalayan na lamang si Ivy.” Utos ni James na ikinabigla ni Alex at Ivy.

“Akala ko ako na ang mag-”

“Kailangan nating magmadali, kaya ako nalamang ang magmamaneho.” Pagputol ni James sa sinasabi ni Alex.

Nababakas sa mukha ni Ivy ang pamimilipit niya sa sakit, pati ang paghigpit ng hawak nito kay Alex. Kahit na masakit na ang kanyang mga kamay sa pagpisil ni Ivy, ay tiniis na lamang ni Alex hanggang sa makarating sila sa pinakamalapit na hospital.

Hindi pa natatapos ay tinawag na namang muli ni Ivy si James upang humingi ng tulong dahil hindi siya makalakad ng maayos sa sakit ng kanyang tiyan. Kaya ay muling binuhat ni James si Ivy papasok ng ospital. Agad naman silang nilapitan ng doktor.

“Dok, buntis po siya at aksidenteng natumba po siya. Sabi niya po ay sobrang masakit raw po ang kanyang tiyan.” Tarantang paliwanag ni James sa doktor.

“Ilang buwan na po siyang buntis?”

“Dalawang buwan po.”

‘Dalawang buwan?!’ Dalawang buwan na ding kakaiba ang kinikilos ni James. Madalas siya ay umaalis at ang tanging sinasabi ay may emergency sa work. Kahit madaling araw, kapag may tumawag sa kanya ay nagmamadali na itong umalis ng walang paalam.

Tumango ang doktor sa sinabi ni James at naguslat naman ng records ang nurse na katabi niya.

“Huwag ka po mag-alala, sir. Kami na pong bahala sa asawa mo.”

Tiningnan ni Alex ang reaksyon ng nobyo at ng babaeng hawak na nagyun ang kamay ni James habang nakahiga na sa hospital bed. Tila nagliwanag ang mukha nang kaninang namimilipit sa sakit na si Ivy ng marinig ang sinabi ng doktor. Habang wala namang reaksyon ng pagtutol sa nobyo ni Alex na si James.

‘Asawa. Para lang akong tanga dito na nakatayo at wala man lang ginawa ng mapagkamalamang mag-asawa ang fiance ko at ang babaeng iyon.’

Sa pakiwari ni Alex ay may kung anong tinatago ang nobyo dahil sa mga kinikilos nito. At ang kaninang mala-anghel na mukha ng babaeng asawa ng kaibigan ni James ay tila may tinatagong masamang pakay laban sa magkasintahan.

‘Sino ka ba sa buhay ni James? Bakit ganoon na lamang ang pag-aalala ng fiance ko sayo? At bakit ganoon lang din ang pagdikit mo sa kanya?’ 

‘Kung alam din ba niyang nagdadalang-tao ako, ganito din ba kaya ang pag-aalaga niya sakin?’

Gustong itanong ni Alex ang lahat ng ito sa babaeng iyon ngunit di niya magawa, kaya ikinimkim na lamang niya ang lahat sa sarili.

Hindi na nakayanan ni Alex na tingnan ang dalawang tao sa kanyang harapan na animo’y mag-asawa kaya minabuti na lamang niyang maghintay sa labas ng ospital at baka kung ano pa ang mangyari o masabi niyang ikalalala sa sitwasyon ng buntis. 

Kalahating oras ang lumipas ay nakikita na ni Alex na papalabas na din si James, at nagmamadali itong pumunta sa kanya.

“Hinanap kita. Bakit bigla kang nawala?” Tanong ni James ng makalapit ito kay Alex.

“Ayokong sirain kasi ang moment niyo.” sarkastikong sagot ni Alex na ikinangiti ni James.

“Anong nginiti-ngiti mo dyan?” Irita niyang tanong.

Kinuha ni James ang kamay ni Alex at hinatak papalapit sa kanya. Agad na pinulupot ni James ang kanyang kamay sa baywang ng nobya. “Nagseselos ka?”

Kunot-noong nakatingin si Alex. “Selos?” singhal niya. “Bakit naman ako magseselos? Sino ba ako para magselos?” Sagot ng dalaga habang pinipilit niyang kumawala sa pagkakayakap ng nobyo.

“Bitawan mo ako baka makita pa tayo ng babae mo. Mawala pa ang anak niyo.” Napaluwag naman ang kapit ni James kay Alex.

“So iniisip mo na anak namin iyon? Babe, anak ni Bryan ang pinagbubuntis ni Ivy at hindi saakin.” Pagpapaliwanag niya.

“Eh, bakit ganoon na lamang ang pag-aalala mo sa kanya?” kuyosong tanong ni Alex na siyang ikinaseryoso ng mukha ni James. Binitawan niya si Alex at huminga ng malalim.

“Bago pa man mamatay si Bryan, ibinilin na niya sakin si Ivy.”