Chapter 36

NATIGILAN si Blessie. Hindi isa kundi dalawa ang bisita nila ni Marius na madatnan niya sa sala. Pero parang namumukhaan niya ang babae.

"Miss, 'di ba, ikaw iyong nasa lobby? Sa may reception?" tanong ni Blessie. Nakamulsa naman si Marius na lumalapit sa kanya.

"Yes, love. Siya nga ang receptionist sa lobby," si Mariis ang sumagot na ikinalingon ni Blessie.

"Bakit siya andito sa suite natin?"

"Mamaya ko na i-explain sayo. First, I would like you to meet Judge Frisco Sarmiento. Kilala siyang judge sa buong Baguio," pakilala ni Marius sa lalaki na nakangiti sa kanya.

Nagtatakang tinignan ni Blessie si Marius. "Judge? Ano ito? Para saan ang judge? Tapos dinala mo pa sa suite natin si Miss Sungit."

"Ah, Ma'am, sorry po sa naging behavior ko kanina 'nong dumating kayo ni sir. Ginagawa ko lang po ang trabaho ko," sabat ng babae.

Bigla naman nagbago ang ekspresyon ng mukha ni Blessie nang mag-sorry ang babae. "Wala na 'yon. Kalimutan na natin." Saka binalingan muli si Marius. "Explain mong m